NLW MS. Peniarth 11 – page 265v
Ystoriau Saint Greal
265v
1
yn tosturyaỽ ỽrth y ỻewenyd hỽnnỽ. Y kyuarwydyt yssyd yn dyỽ+
2
edut trigyaỽ o·honaỽ ef yno y nos honno. a|r kỽnstabyl a vu laỽ+
3
en ỽrthaỽ. y vorwyn a beris bỽrỽ y penn y myỽn a·uon a|oed
4
yn agos yno. Y kỽnstabyl a vu lawen a·chaỽs marỽ aristor
5
am y creulonder a|r mileindra a|oed yndaỽ. A|gỽedy bot pa+
6
redur yno hyt tra vu digrif ganthaỽ ef a|diolches y|r kỽns+
7
tabyl y lewenyd a|r anryded a|wnathoed o|e chwaer. ef a aeth
8
ymeith a|e chwaer y·gyt ac ef ar gevyn y mul a|dathoed yno
9
y·danei. a marchogaeth a|orugant ỽy trỽy syurnei·oed yny do+
10
ethant hyt yng|casteỻ camalot yn|y ỻe yr oed eu|mam yn diga+
11
ỽn y thristet. am y merch. ac heb dybyeit vyth y gỽelet. ac
12
nyt oed lawen heuyt am y braỽt yr hỽnn a|daroed y aristor
13
y lad. Paredur a|doeth y|r ystaueỻ yn|ỻe yr oed y vam yn
14
gorwed. a|e chwaer yn|y laỽ. ac yr aỽr y hadnabu hi ỽyntỽy
15
hi a|wylaỽd o|lewenyd. ac wedy hynny hi a|aeth dwylaỽ my+
16
nỽgyl udunt. a hi a dywaỽt v|arglỽyd vab heb hi. bendige+
17
dic vo yr aỽr y|th anet ti. kanys drỽydot ti y mae kỽbyl o|m
18
tristit i yn trossi ar lewenyd. Yr aỽrhonn yr|oed hyfryt gen+
19
nyf|i varỽ pei duỽ a|e mynnei. kanys digaỽn hyt y bum vyỽ.
20
Nyt reit ytti damunaỽ dy angeu etto heb·y paredur. kanys
21
ny wnaethost eiryoet y neb chweith drỽc. ac os da gan duỽ ~
22
nyt yma y bydy varỽ di. namyn yng|casteỻ brenhin peleur
23
yn|y ỻe y mae y greal. v|arglỽyd vab heb hi da y dywedy
24
di. a|mi a vynnỽ* vy mot i yno. Arglỽydes heb·y pareredur
| « p 265r | p 266r » |