NLW MS. Peniarth 11 – page 166v
Ystoriau Saint Greal
166v
1
arwyd ytt ar hynny. ef a|m ỻettyaỽd i vi a gỽalchmei nos+
2
weith. Duỽ a dalo ytt heb y marchaỽc. kanys a|wnel y|r gỽr
3
da ny chyỻ dim ar hynny. Annerch y gennyf|i heb·y laỽnslot y
4
marchaỽc a|r|dỽy vnbennes. Mi a|wnaf hynny yn ỻaỽen heb
5
y marchaỽc. Ac ar hynny laỽnslot a|roes y march att y march+
6
aỽc. ac ynteu a|e roes ef att ysgỽier idaỽ.
7
L aỽnslot ar hynny a|aeth ymeith. a marchogaeth a|o+
8
ruc yny doeth odieithyr y fforest. a|dyuot y dir daruo+
9
dedic tlaỽt o bop da. a|r tir hỽnnỽ a|oed uaỽr ac ehalaeth ~
10
heb nac adar nac aniueilyeit yndaỽ. Laỽnslot yna a|edry+
11
chaỽd o|e vlaen ac arganuv dinas ar gynnỽỻ y ỽrthaỽ. a
12
dyuot tu ac yno kyntaf ac y gaỻaỽd a|oruc. ac ef a welei y
13
dinas hỽnnỽ yn uaỽr ac yn ehalaeth. ac yn amgyffret ỻaỽer
14
o dir a daear. a|r mur a|oed gỽedy syrthyaỽ yn|ỻawer o|leoed
15
arnaỽ. a|r pyrth yn|gỽyryaỽ o heneint. a|dyuot a|oruc ef y my+
16
ỽn y|r|dref yr honn oed wac o|dynyon. a|r mynwennoed yn ỻa+
17
ỽn o vedeu. a|r eglỽysseu yn wedỽ. a marchogaeth a|oruc ef
18
yny doeth y lys vreinyaỽl. a|cheyr ỻaỽ honno sefyỻ a|oruc
19
ac yno ef a|glywei gỽynuan gan wyr a gỽraged. ac yn dyỽ+
20
edut yr oedynt. Och arglỽyd dygyn a|thruan yỽ bot yn reit
21
ytt vynet y diodef dy angheu yn|y mod hỽnn. ac|na eỻir dy|am+
22
diffyn rac dy angheu. a|ni a|dyly·em gassau y neb y|n barn+
23
ỽyt ni ual hynn o|e achaỽs. ar hynny y clywei ef ỽyntỽy yn
24
ffustaỽ eu dỽylaỽ y·gyt. a ryued uu ganthaỽ eu clywet ve+
25
ỻy ac na welei neb. ac ar|hynny ef a|welei uarchaỽc urdaỽl yn
26
dyuot a|chotardi o scarỻa* coch ymdanaỽ. a|gỽregis o sidan a
27
gemeu
| « p 166r | p 167r » |