NLW MS. 3036 (Mostyn 117) – page 83
Brut y Brenhinoedd
83
1
haf yn|y dinas. A sef amser oed hỽnnỽ vn vlỽydyn
2
ar pymthec A deu ugeint a chant. guedy
3
dyuot crist y|mru yr arglỽydes veir wery.
4
A Guedy marỽ lles ac nat oed vn mab idaỽ a wle ̷+
5
dychei yn|y ol. y kyuodes teruysc rỽg y bryta ̷+
6
nyeit. Ac y|guanhaỽys arglỽydiaeth guyr rufein
7
ar yr ynys hon. A guedy clybot hynny yn rufein.
8
Sef a wnaethant anuon seuerus senadur. A dỽy
9
leg o wyr aruaỽc gantaỽ y|gymhell ynys prydein
10
ỽrth eu harglỽydiaeth val kynt. A guedy dyuot se ̷+
11
uerus hyt yr ynys hon. A bot llawer o ymladeu
12
creulaỽn y·rydaỽ a|r brytanyeit. gorescyn ran o|r
13
ynys a oruc. A ran arall ny allỽys y|gorescyn nam ̷+
14
yn o vynych ymladeu y|goualei heb peidaỽ ac ỽynt.
15
hyny diholes dros deiuyr a|bryneich hyt yr alban.
16
A sulyen yn tywyssaỽc arnadunt. A Sef a wnaeth
17
y deholedigyon hynny kynnullaỽ mỽyhaf a allas ̷+
18
sant o|r ynyssoed yn eu kylch. A goualu eu kiỽdaỽt ̷+
19
wyr trỽy vynych ryuel a brỽytreu. A thrỽm uu
20
gan yr amheraỽdyr diodef eu ryuel yn wastat. Sef
21
a|wnaeth erchi drychauel mur y·rỽg yr alban a|dei+
22
uyr a bryneich o|r mor pỽy gilyd. Ac eu guarchae mal
23
na cheffynt dyuot tros teruyn y mur hỽnnỽ. Ac yna
24
y gossodet treul kyffredin ỽrth adeilat y mur hỽn+
25
nỽ. A|r mur hỽnnỽ a|paraỽys trỽy lawer o amser.
26
Ac a|e hetelis yn vynych y ỽrth y brytanyeit. A gue ̷+
27
dy na allỽys sulyen kynhal ryuel a uei hỽy yn er ̷+
| « p 82 | p 84 » |