NLW MS. 3035 (Mostyn 116) – page 94v
Brut y Brenhinoedd
94v
1
dein mein a eỻit gỽneuthur gỽeith onadunt A|myr+
2
din a dywaỽt Arglỽyd vrenhin heb ef na chyffro a ti
3
yg gorwac chỽerthin. kanys heb orwacter y|dywedaf|i
4
hyny. Rinwedaỽl kymyscedic ynt y|mein. Ac o amry+
5
falyon vedeginyaetheu iachỽyaỽl ynt Ac o|eithafoed
6
yr affric y|duc y keỽri ỽynt Ac y gossodassant ỽynt
7
yn|ywerdon hyt tra yttoedyn yn|y|pressỽylaỽ. Ac y+
8
sef achaỽs oed hyny gantunt. Enneint a|wneynt
9
ym|pedryfal y|mein pan ỽrthrymei y clefytyeu ỽynt
10
a golchi y|mein a dodi hono y|myỽn yr eneint a|hỽnỽ
11
a|jachaei ỽyn o|r clefydeu a vei arnunt Ac y·gyt a hyny
12
kymyscu sud a frỽyth y ỻysseuoed. a hyny a iachaei gỽe+
13
lieu y|rei brathedic. Nyt oes yno vn maen heb vedegyn+
14
yaeth a rinwed arnaỽ. A phan glyỽssant y brytanyeit
15
hyny barnedic vu gantunt enuynu yn ol y|mein a
16
brỽydraỽ a|r gỽydyl o cheissẏnt ludyas y|mein Ac o|r
17
diwed ethol pymtheg|mil o|wyr aruaỽc y|r neges hono
18
o|e helenwi*. Ac vthyr pendragon y* |tywysaỽc arna+
19
dunt. Myrdin a etholet ygyt ac ỽynt. hyt pan vei
20
drỽy ethrylithyr ef a|e gygor y|gỽnelit pop peth yn
21
baraỽt o|r a oed reit vdunt ar ỻogeu. ỽynt a aeth y|r mor
22
a|r gỽynt yn eu holl a|hỽylassant hyt yn jwerdon.
23
A c yn yr amser hỽnỽ yd oed giỻamỽri yn vrenhin
24
yn jwerdon. gỽas jeuanc enryfed y glot a|e volyant
25
A gỽedy clybot o·honaỽ diskynu y brytanyeit y+
26
n|y gyfoeth. kynuỻaỽ ỻu maỽr a|oruc ef a dyfot yn
27
eu herbyn a|phan ỽybu ystyr y|neges chỽerthin a|o+
28
ruc a dywedut ỽrth y|gỽyr a|oed yn|y gylch. Nyt ry+
29
fed genyf|i heb ef gaỻu o|genedyl lesc an·reithaỽ y+
30
nys brydein. kanys ynuyt ynt y brytanyeit. Pỽy a
| « p 94r | p 95r » |