NLW MS. Llanstephan 27 (The Red Book of Talgarth) – page 32v
Ymborth yr Enaid
32v
1
Ac na charer neb o gyfyaỽn garyat namyn ef. neu a|dylyer y ga+
2
ru yr y garyat ef. O hoỻ nerth. sef yỽ hynny yn gadarn. hyt na
3
bo neb·ryỽ beth a aỻo dy|wahanu y ỽrth garyat duỽ. O hoỻ ue+
4
dỽl. sef yỽ hynny. yn gofaỽdyr hyt nat el dros gof gennyt vyth
5
y garyat ef. namyn kynnal yn|dy gof na cherych neb·ryỽ beth
6
yn vỽy noc ef. Caru dy gyfnessaf a|dylyy yn gymeint a|thi
7
dy hun. sef yỽ hynny. na rybuchych idaỽ drỽc ac na|s mynnych
8
mỽy noc ytt dy hun. ac a vynnut y rybuchaỽ ytt dy|hun y
9
rybuchaỽ idaỽ ynteu. ac na ettych arnaỽ ormod waỻ. nac eis+
10
seu mỽy noc arnat dy hun. hyt y geỻych yn gyfyaỽn y am+
11
diffyn. megys nat ymlyckrych dy|hun yn ormod o|e garu ef
12
yn vỽy no thi|dy|hun. hyt na ettych dim ar dy helỽ y achub
13
dy angenn dy|hun heb y rodi ỽrth y angenn ef. Kanys ny
14
dylyy di garu neb yn vỽy no thi dy hun. namyn duỽ. kyt ke ̷+
15
rych yn gymeint a|thi dy hun. Dy gyfnessaf yỽ pob un o ffyd ̷+
16
lonyon crist. sef yỽ hynny pob cristaỽn ffydlaỽn. ac yn|bennaf
17
paỽb o|r a|wnaeth da ytt kyt bych mỽy rỽymedic y|th rieni
18
a|th gereint noc y estronyon. ac yn vỽy y|th rỽymir y garu
19
dy rieni. a|th gereint ysprydolyon. megys eglỽyswyr a chrevyd+
20
wyr no|t* rieni a|th gereint knaỽdolyon. megys y mae pennach
21
yr yspryt no|r knaỽt. ac yn bennaf o hynny ot wyt grevydỽr. car
22
dy gyt·grevydwyr a|th dadeu ysprydolyon. Pob ryỽ garyat
23
araỻ o|r a|dotter ar greadur araỻ dy·eithyr a|garer yr duỽ
24
ynvytserch yỽ. ac ny hanyỽ o wrychyon yr yspryt glan.
25
ac ỽrth na hanyỽ o gylch y|drindaỽt yr hỽnn yssyd bop ryỽ
26
beth ar dim y trossir. ac y·gyt a|dim y coỻir. Sef yỽ dim ab+
27
sen a gỽrthỽyneb y bop ryỽ·beth. ac am hynny odieithyr kylch
| « p 32r | p 33r » |