NLW MS. Llanstephan 27 (The Red Book of Talgarth) – page 113v
Efengyl Nicodemus
113v
1
A phan|gigleu yr Jdewon hynny chỽerỽ uu ganthunt. a|e warchae
2
y myỽn gỽely kaeat. a chaeu drỽs y gỽely y·dan glo annas a|chai+
3
phas. a dodi keitweit y gadỽ. Ac yna yd aethant yng|kyngor yr
4
offeireit. a|r|diagonyeit. a chynnuỻ paỽp y·gyt ˄erbyn y sadỽrn araỻ. y
5
uedylyaỽ pa|dihenyd a|wnelynt ar Joseph. A gỽedy ymgynnuỻ+
6
aỽ ohonunt y·gyt y tywyssogyon a|chaiphas y|dỽy·n Joseph rac
7
eu bronn. ac agori y clo a|oed y·dan inseileu y tywyssogyon. ac
8
ny chaỽssant ỽy Joseph yno. A phan|gigleu y gynnuỻeitua hyn+
9
ny enryued uu ganthunt. Ac ual yd oedynt yn ryuedu. nach+
10
af un o|r marchogyon a gadỽass* bed yr arglỽyd yn dyuot y
11
myỽn y eglỽys yr Jdewon. ac yn dywedut pa ryỽ dỽryf a|doeth
12
yn|y daear heb ef pan yttoedem ni yn cadỽ y bed. ac y gỽelsam
13
angel yn trossi y maen y ar y bed o drỽs y vynnwent. ac yn
14
eisted arnaỽ. ac nyt oed haỽs edrych arnaỽ noc ar lucheden. a|e
15
wisc mal eiry. ac rac y ouyn ynteu y syrthyassam ni mal meirỽ.
16
am a glyỽssam y gỽraged yn dywedut ỽrth y gỽraged a datho+
17
edynt y edrych bed Jessu. Na uit o·vyn arnaỽch. mi a wnn pa+
18
nyỽ Jessu a geissỽch. neur gyuodes mal y rac·dywaỽt. Deu+
19
ỽch edrychỽch y ỻe y gossodet ef yndaỽ. ac eỽch y dywedut ỽrth
20
y disgyblon y ry gyuodi ef o veirỽ. ac y rac·vlaena ỽynt yng
21
galilea. yno y gỽelỽch chỽi ef mal y rac·dywaỽt. Ac yna y
22
gelwis yr idewon attunt y marchogyon a gadwyssynt y bed. ac
23
govyn udunt pỽy oed y gỽraged y|dywaỽt yr angel ỽrthunt. a
24
phaham na delynt dy y gỽraged hynny. Ny wydem ni heb
25
y marchogyon pa wraged oed y rei hynny. a megys meirỽ
26
vuam ni rac ovyn yr angel. Pa|ffuryf y gaỻem ni daly y
27
gỽraged ar y ỻun hỽnnỽ. Byỽ yỽ duỽ heb yr Jdewon ny chret+
28
ỽn
| « p 113r | p 114r » |