Oxford Jesus College MS. 57 – page 80
Llyfr Blegywryd
80
1
T Eir marỽ tystolyaeth yssyd am dir. ac a
2
safant yng|kyfreith a barn. vn yỽ. o|r kyf+
3
froir dadyl am tir yn|ỻys a|e theruynu yng|gỽ+
4
yd gỽyr y ỻys. gỽedy bo marỽ y rei hynny. tys+
5
tolyaeth y hetiuedyon. hyt y gorỽyron y* gorwy*+
6
ron neu achwanec a|gredir am yr hynn a|glyỽs+
7
sant y gan eu rieni o|r dadyl honno. a|r rei hyn+
8
ny a elwir gỽybydyeit am tir. Eil yỽ henury+
9
eit gỽlat. y|wybot ach ac eturyt rỽng kenedyl
10
a|charant a* dyn a ovynno tir trỽy ach ac etvryt
11
a* naỽuettydyeu kalan mei. neu galan gaeaf.
12
Trydyd yỽ pan|weler pentanuaen tat y dyn
13
a ovynno tir neu y hendat. neu y orhendat
14
neu ereiỻ o|e genedyl. neu le adeil y rieni ar
15
y dir. y rei hynny oỻ a|safant yn|ỻe tyston idaỽ
16
ar y dylyet. Tri thorỻỽyth vn werth a|e mam+
17
eu yssyd. nac vn na ỻiaỽs y bỽynt o|r|dygir
18
yn ỻedrat. torỻỽyth geỻast. a thorỻỽyth hỽch
19
ar y thyle. a nythlỽyth hebaỽc. Tri ỻỽdyn vn
20
werth yssyd yn|y|genuein bop amser. dec ar|hu+
| « p 79 | p 81 » |