Oxford Jesus College MS. 57 – page 175
Llyfr Blegywryd
175
1
byd eur neu aryant arnei. pedeir keinyaỽc. kyfreith. a
2
dal pob un o hynny Keubal. pedeir ar|hugeint a
3
dal Pal. ac ystỽc helyc. a dysgyl lydan. a|ridiỻ. a
4
raff lỽyf. keinyaỽc cotta a|dal pob un o hynny.
5
Aradyr. dỽy geinyaỽc kyfreith. Hirieu. a|phistolỽyneu
6
keinyaỽc kyfreith. Sỽch. dỽy geinyaỽc. kyfreith. Kỽỻtỽr. pedeir
7
keinyaỽc. kyfreith. O|r torrir aradyr yn|ỻedrat. neu y
8
dreis. a gỽedy hynny y dalu. gyt a|gỽerth yr ara+
9
dyr. aradỽy dri·dieu a|delir. aradỽy vn|dyd. dỽy
10
geinyaỽc. kyfreith. a|dal y gaeaf. a|r gỽannỽyn. Kist
11
wyth keinyaỽc. kyfreith. Kerỽyn ystyỻaỽt. Pedeir kei+
12
nyaỽc. kyfreith. Rỽyt ehogeu. pedeir ar|hugeint. Pen+
13
ỻỽydec. vn ar|bymthec. Baỻaỽec. deudec keinyaỽc.
14
Baỻecrỽyt. chwecheinyaỽc. Corỽc. wyth keiny+
15
aỽc kyfreith. Kyfrỽy eurgalch. pedeir ar|hugeint a|dal.
16
Kyfrỽy ỻiỽ y brenn. deudec keinyaỽc. kyfreith. Torch
17
milgi brenhin. wyth geinyaỽc. kyfreith. Torch milgi
18
breyr. pedeir keinyaỽc. kyfreith. Kynỻyuan olreat.
19
wyth geinyaỽc. kyfreith. Kynỻyuan milgi brenhin. pe+
20
deir keinyaỽc. kyfreith. Kynỻyuan milgi breyr. dỽy ge˄inyaỽc. kyfreith.
| « p 174 | p 176 » |