Oxford Jesus College MS. 57 – page 117
Llyfr Blegywryd
117
1
neu geỻgi brenhin kyn a·gori y lygeit pedeir
2
ar|hugeint. yn|y growyn. wyth a deugeint. Yn
3
y gynỻỽst vn ar|bymthec a|phedwar ugeint.
4
Yn|y ouer hely. chỽeugeint a dal. Pan vo kyfrỽ+
5
ys punt a|dal. Sef a|dal milgi brenhin o|r|dechre+
6
u hyt y diwed. hanner kyfreith geỻgi brenhin
7
gogyfoet ac ef. Y neb a dynno ỻygat geỻgi bren+
8
hin. neu a torro y losgỽrn. pedeir ar|hugeint a
9
dal y|r brenhin ynghyueir pob buch o|r a|dalo y
10
ki Un aniueil a|a o bedeir keinyaỽc y bunt
11
yn vn dyd. geỻgi. os taeaỽc bieiuyd pedeir keiny+
12
aỽc vyd y werth. ac o rodir y|r brenhin. punt a
13
dal. Amỽs yn pori aỻan. a milgi heb y dorch
14
coỻi eu breint a|wnant. vn werth yỽ geỻgi bre+
15
yr. a milgi brenhin gogyfoet ac ef. Sef a dal mil+
16
gi breyr o|r dechreu hyt y diwed. hanner kyfreith
17
geỻgi breyr gogyfoet ac ef. Gỽerth keneu costaỽc
18
bilaen. kynn agori y lygeit. keinyaỽc. Yn|y groỽ+
19
yn dỽy geinyaỽc a dal. yn|y gynỻỽst teir keinyaỽc.
20
Yn ryd. pedeir keinyaỽc cotta a|dal. Pa ryỽ bynnac
| « p 116 | p 118 » |