Oxford Jesus College MS. 119 (The Book of the Anchorite of Llanddewi Brefi) – page 59v
Ystoria Lucidar
59v
1
yr aỽr honn. Velle y|difulannha yr ansaỽd y+
2
syd yr aỽr honn. Ac y|byd ankyffelyb y|ffuryf
3
rac llaỽ herỽyd gogonnyant. Megys y|dy+
4
ỽedir. Ef a|wna duỽ nef neỽyd. a|dayar
5
neỽyd. Odyna y|nef ar|heul. ar lloer. ar
6
syr. Ar dyfured ysyd yr aỽr honn yn dyf+
7
uryssaỽ o uuan redec. megys damunaỽ
8
eu symudaỽ yn ansaỽd a uei well. yna y
9
sauant. ac y|gorffỽyssant. ac y|symudir
10
yn annryued o·gonnyant. kannys y|nef
11
a|wisc o·gonnyant yr heul. a|uyd seithỽeith
12
gloyỽach noc yr aỽr honn. Megys y|dyỽedir.
13
Yr heul a|geiff lleuuer seith niỽarnnaỽt.
14
Ar lleuat a|syr a|wisgir yn andyỽededic echdy+
15
wennedigrỽyd. Y|dỽfuyr a obrynnaỽd gỽly+
16
chu corff crist yndaỽ. Ac a olches y|seint yn ̷+
17
daỽ o|vedyd. a|uyd ragorus yna o|wynnder
18
a|thegỽch pob kristial. Ar dayar a achlessa+
19
ỽd corff yr arglỽyd duỽ yn y harffet a|uyd yn
20
gỽbyl megys paradỽys. a|channys gỽeryn+
21
nỽyt hi gynt o|ỽaet y|seint. hi a|uyd tec yn
22
dragyỽydaỽl o|vlodeu. arogleuvaỽr. a|lilis
23
a ros. a uiolet hep grinaỽ vyth. a hynny yỽ
24
symut y|goruchaf. Ar dayar a oed emelldige+
25
dic gynt yn dỽyn yspadat a|dryssỽch. Yr ar+
| « p 59r | p 60r » |