BL Harley MS. 4353 – page 2v
Llyfr Cyfnerth
2v
1
ling y|r brenhin. Naỽd yr etling yỽ can+
2
hebrỽg y dyn a wnel y kam hyt yn diogel.
3
Vn sarhaet ac vn alanas uyd y|r etling
4
a|r brenhin eithyr eur ac aryant brein·ha ̷+
5
ỽl a|r gỽarthec a ossodir o argoel hyt yn llys
6
dinefỽr. Lle yr etling yn| y neuad gyfar ̷+
7
ỽyneb a|r brenhin am y tan ac ef. Rỽg yr
8
etling a|r golofyn nessaf idaỽ yd| eisted yr
9
ygnat llys. y parth arall idaỽ yr effeirat
10
teulu. Guedy ynteu y penkerd. Odyna
11
nyt oes le dilis y neb yn| y neuad. Holl ỽr ̷+
12
thrychyeit y gỽyr rydyon a|r kyllitusson
13
yn llety yr etling y bydant. Y bren ̷+
14
hin a dyly rodi y|r etling y holl treul yn en ̷+
15
rydedus. Llety yr etling a|r maccỽyeit
16
gantaỽ yỽ y neuad. A|r kynudỽr bieu kyn ̷+
17
neu tan idaỽ. A chayu y drysseu gỽedy yd el
18
y gyscu. Digaỽn a dyly yr etling yn| y ancỽyn
19
heb vessur yn| y teir gỽyl arbenhic. Bonhedic
20
breinhaỽl a eisted ar gled y brenhin. y parth
21
deheu idaỽ paỽb mal y mynho. Naỽd bre ̷+
22
inhyaỽl yssyd y pop sỽydaỽc. Ac y ereill hef ̷+
23
yt. A gyrcho naỽd brenhines; dros teruyn
24
y wlat yd hebrygir heb erlit a heb ragot ar+
25
naỽ. Naỽd y penteulu a gan·hebrỽg y dyn
| « p 2r | p 3r » |