Cardiff MS. 1.363 (Hafod 2) – page 154v
Brut y Brenhinoedd
154v
1
thaỽ meynt clot y lys. a ryodres y teylỽ
2
ac eỽ molyant. a cheyssyaỽ a gwnaey p+
3
aỽb kyffelybỽ a dyskyblỽ wrth lys arthỽr
4
ac wrth e ỽarchogyon. ac wrth y teylỽ. k+
5
anys nyt oed dym kan vn bonhedyc en e|te+
6
yrnassoed ym pell y wrthvnt ony ellynt bot
7
en ỽn deỽaỽt a marchogyon arthỽr. a|e oc eỽ
8
gwyscoed. ac oc eỽ harỽeỽ. ac oc eỽ marcho+
9
gaeth; Ac o|r dywed gwedy ehedec y clot a|e ỽo+
10
lyant. a|y haylder tros eythaỽoed emyleỽ
11
er byt. ovyn a kymerassant brenhyned tra+
12
mor teyrnassoed racdaỽ. rac y dyỽot a gores+
13
kyn eỽ kyỽoeth ac eỽ gwladoed. Ac|wrth he+
14
nny rac goỽalon a phrydereỽ sef a wnaey p+
15
aỽb onadỽnt kadarnhaỽ eỽ keyryd. ac eỽ dy+
16
nassoed. ac eỽ tyroed. ac eỽ kestyll. ac adeyl+
17
at ereyll o newyd en lleoed kryno. Sef ach+
18
aỽs oed henny o delhey arthỽr am eỽ penn
19
megys e keffynt lleoed kadarn yn amdyffyn
20
ỽdỽnt. o bey reyt ỽdỽnt wrthaỽ. Ac|gwedy
21
gwybot o arthvr bot y ofyn e ỽelly ar paỽb
22
ymardyrchaỽael a orỽc enteỽ a medylyaỽ a
| « p 154r | p 155r » |