Cardiff MS. 1.362 (Hafod 1) – page 80v
Brut y Brenhinoedd
80v
1
y gayaf hỽnnỽ heibaỽ ymchoelut a oruc arthur y
2
ynys prydein. A chadyrnhau tagnoued yndi. Ac y bu
3
yndi ar vn|tu deg mlyned.
4
A Gỽaỽd* attaỽ a wnaethpỽyt marchogyon pro+
5
uadỽy clotuaỽr o wladoed ereill y chỽanaccau
6
y teulu. A chymeint oed syberwyt llys arthur. a|e
7
teulu o voes a gỽybodeu a daeoni a haelder a milỽrya+
8
eth ac nat oed dim gan neb o|r a|e clywei o·ny allei
9
ymgyfflybu idi ac nyt oed dim gan vn dylyedaỽc o pe+
10
deir bannoed y byt ony bei vn diỽygat ac vn o|teulu
11
arthur. A gỽedy ehydec dros pedeiruanoed y byt y ryỽ
12
ỽr oed arthur. yd oed paỽb o|r brenhined yn ergrynu
13
rac ofyn y gỽarescyn o·honaỽ. sef a|wneynt kadarn+
14
hau y kestyll a|e kaeroed a gỽneuthur ereill o newyd
15
rac ofyn. Gỽedy clybot o arthur hynny ymdyrcha+
16
uel a oruc ynteu o glybot bot y ofyn ar paỽb yn gym+
17
eint a hynny. A medylyaỽ a|wnaeth gỽerescyn yr
18
holl europa. sef oed hynny y tyded* ran o|r holl vyt.
19
A pharatoi llyghes a|oruc arthur. a mynet tua
20
llychlyn a gỽarescyn y leỽ vab kynuarch oed nei
21
y sychelyn vrenhin llychlyn a vuassei varỽ. Ac a
22
gymynassei y vrenhinyaeth y leỽ y nei. sef a|w+
23
naeth y llychlynwyr y ỽrthot ef. ac vrdaỽ rikỽlf
24
yn vrenhin arnadunt. sef a wnaeth hỽnnỽ kadar+
25
nhau y dinassoed ar kestyll. Gan vedỽl daly yn
26
erbyn arthur. Ar amser hỽnnỽ yd oed walch+
27
mei yn oet deudeg|mlỽyd yn gỽasnaethu sup+
28
plicius pap. Gỽedy y arthur y anuon y dyscu
29
moes a milỽryaeth. A chan y pap hynny* y
| « p 80r | p 81r » |