BL Cotton Titus MS. D IX – page 21v
Llyfr Blegywryd
21v
1
a|llỽ deucanhỽr y wadu llourudyaeth. Dr+
2
os pob vn o|r tri diỽethaf y|telir. tri naỽ
3
vgeint aryant. a|llỽ trychanỽr y wadu
4
llourudyaeth o|r gouynnir. Pỽy|bynn ̷+
5
ac a|watto llourudyaeth a|e haffeitheu
6
yn hollaul; llỽ degỽyr a|deugeint a|dyry.
7
a|reith y|wlat yỽ honno. a|diỽat coet
8
a|maes y|gelỽir. ac yn gyffelyp y|hynny
9
pỽy|bynnac a|ỽatto llourudyaeth ar w+
10
ahan y|ỽrth yr affeitheu. neu vn affeith
11
heb amgen; llỽ degỽyr a|deugeint a|dyry.
12
ac val hynny y|mae am losc. ac am let ̷+
13
rat. ac eu haffeitheu. o|r y|lloscir a|holir
14
y|treis. neu o|letrat. ac o|r lloscir dyn yn|y
15
tan hỽnnỽ tri dyn diouredaỽc a|dylyant
16
vot yn|y reith honno. Pỽy|bynnac a
17
adefuo galanas. ef a|e genedyl a|e talh ̷ ̷+
18
ant yn gỽbyl gỽerth sarhaet a|gala+
19
nas y|dyn a|ladher. ac yn gyntaf y|tal
20
y llofrud gỽerth sarhaet y|dyn. y|r|tat.
21
a|r vam. a|r brodyr. a whioryd. ac os gỽ+
22
reicaỽc vyd; y wreic a|geiff y|gan y|rei
23
hynny trayan gỽerth sarhaet y|gỽr.
24
Gỽerth dyn a|ladher yn|teir rann y|ren+
25
nir ar yr rei a|e|talho. Y|rann gynntaf
26
a|dysgyn ar|y llourud a|e tat. a|e vam
| « p 21r | p 22r » |