NLW MS. Peniarth 31 – page 20r
Llyfr Blegywryd
20r
dedic. Eil yỽ hentat. Tryded gorhentat. Pet+
wared. brodyr a|chwhioryd. Pymet kefynderỽ
Whechet kyuerderỽ. Seithuet kyfneieint. ỽyth+
uet gorchyfneieint. Naỽuet gorchaỽon. Aelo+
deu yr achoed hynny ynt; nyeint ac ewythred.
y llofrud neu y lladedic. Nei yỽ mab braỽt neu
whaer neu kefynderỽ neu gefnitherỽ neu gyf+
uerderỽ. Ewythyr yỽ braỽt tat neu vam neu
hentat neu henuam. neu orhentat neu orhen+
uam. Hyn yỽ meint ran pop vn o|r rei hynny
oll; pỽy|bynhac a uo nes o vn ach yr llofrud
neu yr lladedic noc arall; hỽnnỽ a tal neu a
erbyn deu kymeint ar llall. Ac uelly y may
am paỽb o|r achoed ac eu haylodeu. Plant y
llofrud neu y lladedic ny dylyant talu dim.
na|e erbynnyaỽ o werth galanas. kanys ran
y llofrud yr hỽn a tal mỽy noc vn arall a seif
drostaỽ ef a|e blant. A phryder y rei hynny he+
uyt a perth·yn y vot arnaỽ ef. Pryder plant
y lladedic a perth·yn y uot ar y ryeni a|e gyteti+
uedyon a gaffant trayan guerth y alanas.
A guerth cỽbyl y sarhaet. Ac ỽrth hynny ny
thal etiued vn o·honunt ac nyt erbynnya ran
o alanas. O|r byd kar yr llofrud neu yr llade+
| « p 19v | p 20v » |