Breudwd Welsh Prose 1300-1425
Cymraeg

NLW MS. Peniarth 15 – page 22

Buchedd Dewi

22

1
a phan doeth davẏd yno y|kẏvodes yr holl seint ẏn|ẏ erbẏn pan welsant ef
2
yn dẏvot a|chyvarch gwell idaw a|syrthyaw ar dal ẏ|glinew ac erchi idaw preg+
3
ethv gan dyrchavel ohonaw y|ben bren* vchel y|lle ẏ|bvassei bregeth kyn·o
4
hẏnnẏ ac escusaw a|orvc ef ar dalẏm o|enkẏt wrthvnt a|dywdvt* na beidy+
5
ei ac na aỻei wnnevthvr y peth yd oedynt wẏ ẏn|ẏ erchi idaw Eissoes ef
6
a|gymerth venndith y|kẏffredin ac a|vfẏda·aawd vdvnt a|gorthot* a|orvc ef
7
ysgynnv y|benn y|brem* a dẏwedvt na mynnei ef le y|sevẏll onnyt ar ẏ|llawr
8
gwastat a|dẏchrev pregethv odẏno a|orvc dewi o|gẏvreith grist a|r evegyl a
9
hynny megẏs llef kornn eglvr a*|ẏn|amlwc hẏnnẏ ẏ|bop dẏn y|r pellaf yn
10
gyn eglvret ar* y|r nessaf ac ẏn|gẏn gẏffredinet ac y bedei* yr hevl y|pawb
11
pan vei hanner dẏd a hẏnnẏ a|vv ryved gann bawp a|phan oed dewi
12
ar warthaf y|llawr gwastat a|dẏwedvt vchot ẏn pregethv y|kyvodes y|llawr hwn+
13
nw megys mynyd vchel dan y|draet A|phawp o|r gynnvlleitua honno. yn edrych
14
ar hynnẏ Yr hwn ysyd etwo yn vren* vchel yn amlwc gan bawp ac yn was+
15
tatir o|bop parth idaw a|r gwyrth a|r ryvedawt hwnnw a|orvc dvw er dewi ẏn
16
llanndewi vreui ac ẏna yn|gẏtvvn ẏrẏkgtvnt e|hvnein moli dewi sant a|orv+
17
gant Ac adef ẏn|dv el vn* y|vot ef yn tẏwyssawc ar seint ẏnẏs predein gan
18
dywedvt maal hyn megẏs y|rodes dvw pennadvr ẏn|ẏ mor ar bop kẏnedyl
19
o|r pẏscawt a megẏs y rodes dvw pennadvr ẏn|ẏ dayar ar yr adar velle ẏ
20
rodes ef dewi ẏn pennadvr ar ẏ dynẏon yn|y byt hwn Ac yn|ẏ|mod y|ro+
21
des dvw mathev yn ivdea A|lvcas yn alexandria a|christ ẏg|kervssalem.
22
a|pheder yn rvfein A martin yn freinc a|sampson yn llydaw Y rodes y|davyd
23
sant vot ẏn ẏnys prydein ac wrth hẏnnẏ y|gwnaethpwyt dewi sant ẏn
24
tẏwẏssawc ac ẏn pennadvr ar seint ynys prydein aam*|pregethar* o·honnaw
25
yn|y sened vawr honno y|r holl bobẏl yn|yr honn nẏ aallawd neb bregethv
26
namyn ef a|r dyd hwnnw holl seint yr ẏnys honn a|r brenhined oll A ostyn+
27
ghassant ar ev glinnẏev y|adoli y|dewi ac roddassant idaw vot yn bennaf
28
ar seint ẏnẏs prydein ac ef a|e haedawd a|r dẏd hwnnw y|rodet y|dewi y|no+
29
duaev ac amdiffẏnn y|bop kyvrew dẏn o|r a|wnnelei drwc o|r a|ffoei ẏ|nawd+
30
dir dewi A|honn yw nodva dvw y|bawp o|r a|vo yn|dinas rvbi yn nawd
31
dewi ac adan y|amdiffynn o|bẏt reit idaw kennat yw idaw vynet o|dẏfi hẏt
32
ar deivi. ac o|r byd reit idaw vynet a|vo moe|aet ẏn ragor rac pob sant a|bren+
33
hin. a|dẏn yn|yr ẏnẏs honn Nodva dewi yw pa|le|bynnac ẏ|bo tir kysse+
34
gredic y|dewi|sant ac na lavasso na brenhin na tẏwyssawc nac escop
35
na sant rodi nawd idaw ym|blaen dewi kanẏs ef a gavas nawd ymbla+
36
en pawb ac ynẏ*|s kavas neb ẏn|ẏ vlaen ef kanys ef a|ossodes dvw a
37
dynyon yn bennaf o|r holl ẏnẏs Ac yna yr ysgẏmvnawd hẏnnẏ o|seint
38
o duundeb y brenhined a|r neb a|dorrei nodva dewi sant ac odyna val