NLW MS. Peniarth 11 – page 60v
Ystoriau Saint Greal
60v
1
A C yna y gỽrda a|dywaỽt ac a amdidanaỽd ac ector. Ef a
2
welit ytti heb ef dy vot ti a laỽnslot yn disgynnv o
3
syarret. honno a|eỻir y chyffelybu y veistrolyaeth neu yn+
4
teu y arglỽydiaeth. Y syarret honno a|eỻir y chyffelybu y|r
5
anrydet yr oedit yn|y wneuthur y chỽi yn|y vort gronn. a
6
phan gychwynnassaỽch chỽi odyno. chỽi a|gychwynnassa+
7
ỽch ac a esgynnassaỽch ar gefyn deu varch vaỽr. nyt amgen
8
oed y rei hynny no bost a|balchder. y|rei hynny yssyd veirch
9
y diaỽl. Ac yna chỽi a|dywedassaỽch. aỽn y geissyaỽ yr hynn
10
nys kaffỽn. Nyt amgen no|r greal. a dirgeledigaeth·eu duỽ
11
y rei ny vynnit y dangos y chỽi kanys nyt oedeỽch deilỽng.
12
A gỽedy ymwahanu o·honaỽch chỽi pob un y ỽrth y gilyd.
13
laỽnslot a varchockaaỽd hyt pan syrthyaỽd y ar y varch.
14
ac a edewis y daryan. kystal yỽ hynny ac ef a|edewis valchder.
15
ac a wdost di pỽy a|e bỽryaỽd ef. iessu grist oed y gỽr hỽnnỽ. ef
16
a uvydhaaỽd laỽnslot. ac a|e hyspeilyaỽd o|e|diỻat. nyt amgen.
17
noc o|e bechodeu a|oed megys gỽisc ymdanaỽ. Ac yna ef a|ro+
18
des gỽisc ymdanaỽ drachefyn. o dost·vrỽyn honno y beis
19
raỽn yssyd am laỽnslot. od·yna ef a dodet ar geuyn assen.
20
Nyt amgen noc ufuddaỽt. arwyd yỽ kyffelybu yr assen y
21
ufuddaỽt. kanys iessu grist a|e marchockaaỽd y gaerus+
22
salem. A bit dieu ytti efo a|aỻei gael y meirch goreu pei
23
as mynnei. eissyoes ny mynnaỽd ef onyt yr assen kyt bei
24
hackraf hi o|r aniueilyeit. a|hynny a|wnaeth ef yr dangos
25
exaỽmpyl uvyddaỽt y dlaỽt ac y gyfoethaỽc. a|r assen a
26
weleist di laỽnslot yn|y marchogaeth yny doeth hyt yng
| « p 60r | p 61r » |