NLW MS. Peniarth 11 – page 19r
Ystoriau Saint Greal
19r
1
y bydei haỽs dy arwein di wedy y tynnit yr haearn o·honat.
2
Nac ef vy arglỽyd heb ef nyt ymrodaf i yn antur kymeint
3
a|hỽnnỽ rac vy marỽ heb gyffes. Ac ueỻy y goruc galaath y
4
gymryt yn arafaf ac y|gaỻaỽd a|cherdet ac ef yny doeth y|r va+
5
nachlaỽc. a|r|myneich a|e herbynnassant ar lewenyd maỽr
6
ac a|gymerassant melian ac a|e dugassant y ystaueỻ dec a
7
gỽedy tynnu y arueu y amdanaỽ. ỽynt a|dugassant korff
8
y arglỽyd ˄idaỽ. a|gỽedy kymryt kymun ohonaỽ. ef a|dywaỽt
9
ỽrth galaath. arglỽyd heb ef. praỽf di weithyon tynnv penn
10
y gỽaeỽ o·honaf|i. kanys parot ỽyf y gymryt vy angheu.
11
Ac yna galaath a roes y laỽ ar yr haearn ac a|e|tynnaỽd. Ac
12
ynteu yna o dra|dolur a lewygaỽd. Ac yna manach o|r|ty a
13
vuassei uarchaỽc urdaỽl a|edrychaỽd y dyrnaỽt. ac a|dywaỽt
14
y alaath y bydei vyỽ a iach erbyn penn y mis ~ ~ ~ ~
15
A C yno y trigiaỽd galaath y dyd hỽnnỽ a thrannoeth
16
ac hyt ym|penn y tri·dieu y edrych a|eỻit iechyt y ve+
17
lian. ac yna ef a|o·vynnaỽd idaỽ pa|wed yr oed. ac ynteu a
18
dywaỽt y uot yn weỻ. Gan hynny heb y galaath minneu
19
a|aỻaf vynet ymeith. Och arglỽyd heb y melian alwẏssen
20
oed ytt vy aros y·gyt a|thi. a unbenn heb y galaath nyt ang+
21
henreit ytti ỽrthyf|i yma o|dim. a|reidyach oed y minheu vot
22
yn|ỻe araỻ yng|keis seint greal yr hwnn a|dechreuwyt o|m
23
achaỽs i. Paham heb·yr vn o|r myneych. a dechreuwyt pere ̷+
24
rindaỽt y greal. Do rof a|duỽ heb·y galaath. a|chedymdei+
25
thyon o|r|keis ym ni. Gan hynny heb y manach ỽrth y mar+
26
chaỽc briwedic oblegyt dy bechodeu y kyfaruv a|thi y govit
27
hỽnn
| « p 18v | p 19v » |