NLW MS. Peniarth 11 – page 103v

drỽy syỽrneioed yny doeth y|r fforest beriglus. yn|y ỻe yd|oed

y|ffynnaỽn yn|berwi o|dra|gỽres. ac yr aỽr y|roes ef y laỽ yndi hi

a beidyaỽd a|e gỽres ac a|e berwi. kanys yndaỽ efo nyt oed

chweith gỽres godinebus o|r|byt. o|r achaỽs y bu ryued gan y

bobyl o|r wlat honno. gaỻu o hona* diỻỽng y gynnedyf a|oed

ar y ffynnaỽn. ac o|hynny aỻan y gelwit hi ffynnaỽn gal˄aath.

A gỽedy daruot idaỽ newidiaỽ anyan y ffynnaỽn. ef a varcho+

caaỽd yny doeth yr vanachlaỽc yny doeth y|r vanachlaỽc yn|y

ỻe y buassei laỽnslot kyn|no hynny. Ac yno y gỽeles galaath

y bed yn|ỻosgi yn vn fflam. ac yna galaath a|ovynnaỽd y|vn o|r

myneich pa|ryỽ beth a|oed yn|y bed. Arglỽyd heb y|manach. an+

tur yỽ honn racko ny eỻir vyth y bỽrỽ ody yma. yny del y penn+

af o gedymdeithyon y vort gronn. Yr vyng|karyat i heb·y gala+

ath dabre y·gyt a|mi hyt yno. Mi a|wnaf yn|ỻawen heb y ma+

nach. Ac yna y ganhebrỽng a|oruc hyt y bed. Ac yr aỽr y|dy+

nessaaỽd galaath att y bed ef a|diffodes y tan o|e dyuotyat ef. yr

hỽnn a|vuassei eiryoet yn|ỻosgi hyt hynny. a|phan doeth ef att

y bed ef a|e|dyrchevis y vyny ef. ac ef a|welei gorff y danaỽ. ac

yr aor* yd|aeth y gỽres ymeith o|r bed. ef a|glywei lef yn dywedut

ỽrthaỽ. Galaath galaath ti a|dylyut diolỽch y duỽ roi ytti o

ras gaỻel o·honat tynnu eneidyeu o|r poeneu ac eu roi myỽn

gorffowysua baradwys. a myvi yỽ simei gỽr o|th genedyl di yr

hỽnn a|vu ua˄rỽ yr ys|talym o amser. ac yssyd yn|y poen a|wely di

yr ys|pedeir blyned ar|dec a|deugeint a|thrychant. o achaỽs vn pe+

chaỽt gynt a|wneuthum yn erbyn ioseph o arimathia ac byth

y buassỽn yn|y poen hỽnn pany bei drugarhau o duỽ ỽrthyf.