Oxford Jesus College MS. 119 (The Book of the Anchorite of Llanddewi Brefi) – page 27v
Ystoria Lucidar
27v
1
annhyed neỽ vrthwynnep. drỽy annhyed gann
2
geissaỽ ev bỽrỽ yg|kyfueilornn yn rith llees.
3
a hynny drỽy dỽyll. Ac yna y|byd kadarnnach
4
y|rei da yn seuyll yny* eu ffyd. Odyna drỽy vrth+
5
ỽynnebed gann dỽyn y|gantunt yr hynn y|m+
6
aent yn|y garv yn voe no Jaỽnnder. A chann
7
y|gostỽng. na wnelont damunet ev knaỽt o
8
gỽbyl. Ac velle yddant y|nef drỽy odef gofut
9
y|gann y|rei drỽc. Am lỽydant y|rei drỽc. Paham
10
y|byd kyuoethaỽc y|rei drỽc yman. A|iach. A|cha+
11
darnn. Ac ygwrthỽynneb y hynny. y|rei da ynn
12
eissywedic ac y|rei drỽc yn|y gostỽng. a heint a
13
dolur yn|y gofudyaỽ. Y rei drỽc y|byd amylder.
14
o achos yr etholedigyonn. megys y|tremyckont
15
yr hynn a|welont y|rei gỽaethaf yn blodeuaỽ o+
16
nadunt yndaỽ. Yn gynntaf. kyuoethaỽc vyd+
17
dant megys y|gallont o gyfuyaỽn varnn duỽ.
18
gỽrthlad drỽy ev golut y drygyev y|maent yn|y
19
hỽennychv. Yr eil yỽ. o|r gwnant da. Wynt a|ga ̷+
20
ffant dal amdanaỽ. kannys yr pethev daryaỽl
21
y|gwnant bop peth. o|r a|wnelont. Ac odyna y
22
kymerant yma ev kyfuloc. Kadarnn vyddant.
23
yn gynntaf oc ev hachos e|hunein. megys y|gall+
24
ont gỽpplav y|drygyev y|maent yn|y karv. Yr
25
eilweith. o achos y|rei kamwedaỽc o|e hamdiffynn
| « p 27r | p 28r » |