BL Harley MS. 958 – page 9r
Llyfr Blegywryd
9r
1
R ighẏll a geif ẏ dir ẏn rẏd. Ac ẏ·rỽng
2
ẏ dỽẏ golofẏn ẏ seif tra uo ẏr arglỽ+
3
ẏd ar ẏ uỽẏd. kanys ef a|dẏlẏ goglẏt ẏ
4
neuad rac ẏ tan ẏna. A gwedẏ bỽẏt ẏs+
5
set ẏnteu gẏt a|r gwassanaethwẏr. A
6
gwedẏ hẏnnẏ nac eistedet ac na thrawet
7
ẏ post nessaf ẏ|r brenhin. Gwiraỽt gẏfrei+
8
thaỽl a|geif. nẏt amgen lloneit ẏ ỻestri ẏ
9
gwaỻofẏer ac ỽẏnt o|r cỽrỽf. Ac eu hanher
10
o|r bragaỽt. Ac eu traẏan o|r med. Ef a geif
11
koesgẏn pob eidon a lather ẏn|ẏ gegin ẏ wneu+
12
thur kuruaneu idaỽ. nẏ bẏdant uch no hẏt
13
ẏ uffarned ẏ draet. Naỽuetẏd kẏn calan
14
gaẏaf ẏ keif peis. a chrẏs a|chapan. A|their
15
ỻath o liein o|pen elin hẏt ẏm|pen ẏ|bẏs per+
16
ued ẏ wneuthur ỻaỽdẏr idaỽ. Nẏ bẏd hẏt
17
ẏn|ẏ diỻat namẏn is pen ẏ lin ỽrth clỽm ẏ
18
laỽdẏr kalan maỽrth ẏ keif peis a|man+
19
teỻ a|chrẏs a ỻaỽdẏr. Penguch hagen a|ge+
20
if ẏn tri amser. Ef a|ran ẏt ẏ taẏaỽc foaỽdẏr
21
a|e varỽ·dẏ ẏ·rỽng ẏ brenhin a|r maer a|r
22
kẏgheỻaỽr. Ynteu a geif ẏr ẏscub a uo dros
23
ben ỽrth ẏ ran. Righẏỻ a geif o|r marỽ·tẏ
24
ẏ mehein bỽlch. a|r emenẏn bỽlch. a|r ma+
25
en issaf o|r vreuan. a|r dulin oll. Ac o|r ẏt ẏ do
26
nessaf ẏ|r llaỽr. Ac o|bẏd ẏ ẏt heb uedi ef a
| « p 8v | p 9v » |