Cardiff MS. 1.363 (Hafod 2) – page 53r
Brut y Brenhinoedd
53r
1
AC gwedy gwelet o Wlkessar y llythyr hỽn+
2
nỽ yn dy·annot paratoy y lyghes a orỽc. ac
3
arhos Gwynt wrth eylenwy o|y weythret. yr
4
hyn a dywedassey y kasswallaỽn. trwy y llythyr
5
a|e kennadeỽ. Ac gwedy kaffael o·honaỽ ef y|da+
6
mwnedyc wynt dyrchaỽael hwylyeỽ a wnaeth+
7
ant. ac y aber themys y deỽth yr tyr a|e lw ganthaỽ.
8
Ac|ỽal yd oedynt y llongheỽ yn kaffael y tyr ynach+
9
af kasswallaỽn. a holl kedernyt ynys prydeyn k+
10
anthaỽ ynt dyỽot y kastell dorahel yn|y erbyn. ac
11
yno y kymyrth kyghor y gyt a|e wyrda pa wed yd
12
ymledynt ac eỽ gelynyon a pha ansaỽd y llỽdy+
13
nt y kaffael y tyr. Ac yno y|dothoed bely pen·tey+
14
lw kasswallaỽn a tywyssaỽc y vylwryaeth a|thr+
15
wy kyghor y gwr hỽnnỽ y gwneit pob peth yn
16
y teyrnas Ac yno heỽyt y dothoedynt deỽ ney+
17
eynt y brenyn. aỽarwy ỽap llwd tywssaỽc* llỽ+
18
ndeyn a theneỽan yarll kernyw. Eno hevyt
19
y dothoedynt y try brenyn a|oedynt darestygh+
20
ydyc|ydaỽ. nyt amgen creydỽ brenyn yr alban.
21
a Gwerthned brenyn gwyned. a brythael bre+
22
nyn dyỽet. Ar rey hynny megys paỽb ar rodes
| « p 52v | p 53v » |