Cardiff MS. 1.362 (Hafod 1) – page 60r
Brut y Brenhinoedd
60r
1
ỽynt a werescynant y pobl yscymun. Ac eisso+
2
es yn gynt no dim o hynny ỽynt a|th loscant
3
ti y myỽn tỽr. kans o|th drỽc ti y bredycheist
4
eu tat ỽy. Ac y gohodeist kenedyl saesson yr y+
5
nys yr keissaỽ nerth y gantunt. Ac ỽynteu a doeth+
6
ant yn poen itti. kans deu agheu ysyd y|th ogyua+
7
daỽ. Ac nyt haỽd itt ỽybot py vn gyntaf a ochely
8
o·nadunt. kans o|r neill parth it y mae y saesson
9
yn gỽerescin dy gyuoeth. Ac yn llauuryaỽ y geissaỽ
10
dy agheu. Ac o|r parth arall y mae y|deu vroder em+
11
reys wledic. Ac vthur pen dragon y* llauuryaỽ y
12
y* geissaỽ dial agheu eu tat arnat. Ac ỽrth hynny
13
keis le y ffo os gelly. kans auory y deuant y tra+
14
eth tỽtneis yr tir. ỽynt a gochant ỽynebeu y saes+
15
son oc eu gỽaet. A gỽedy y llader hengyst; y coronhe+
16
ir emreys|wledic. Emreys a hedycha y gỽladoed.
17
Ac attnewydha yr eglỽysseu. Ac o|r diwed y lledir
18
a gỽenỽyn. Ac yn|y ol ynteu y coronheir vthur pen+
19
dreic y vraỽt. Ac eissoes a gỽenỽyn y byrrheir y
20
diwed ynteu. kymeint a hynny vyd brat dy saesson
21
ti. y rei hynny baed kernyỽ a|e llỽnc. Sef oed hỽn+
22
nỽ Arthur. A phan yttoed y dyd trannoeth yn golu+
23
hau; y doeth emreys wledic. ac vthur pen dragon
24
a deg mil o varchogyon aruaỽc o lydaỽ gantunt. y
25
tir ynys prydein. Tref yn tadoed ni.
26
AC yna pan glyỽspỽyt y chwedel hỽnnỽ yn hon+
27
heit; ymgynullaỽ a wnaeth y brytanyeit o pop
28
lle oc yd oydynt wascaredic. A dyuot yn toruoed
29
gan diruaỽr lewenyd o glybot dyuot eu kiỽtaỽtwyr
| « p 59v | p 60v » |