Cardiff MS. 1.362 (Hafod 1) – page 115r
Ystoria Dared
115r
1
deu vis val y gallei pob rei o·honunt gladu y gwyr a|la+
2
dissit vdunt. Ac ar hynny kenadeu a gerdassant at Briaf
3
A gỽydy cael kygreir deu vis. draekefyn y deuthant Priaf
4
val yr oed deuaỽd gantaỽ geir bron y pyrth yn anrydedus
5
y cladỽyt Ector y vab heb y vot yn bell y ỽrth ved Jlij
6
vrenhin A|thra|baraỽys y gygreir ny ỽrffỽyssỽys Palami+
7
des yn cỽynaỽ rac gorchygarth y brenhin yr eilweith.
8
Ac yna agamennon a adnabu y vrad Ac a|dywaỽt y pei+
9
dei ef ar llywodraeth honno yn llawen ỽrth y kyghor hỽn+
10
nỽ a gossotteynt hỽy y neb a vynynt yn|y lle ef. A|thrannoeth
11
agamennon a|wyssyỽys y bobyl y gyt ac a dywaỽt na
12
bu wannaỽc ef. eiroet yr amherodraeth honno ac a dywaỽt
13
na|s kymert* ef hi onyt o vedỽl iaỽn. A pha|diỽ bynhac y my+
14
nynt ỽy y rodei hi. a bot yn digaỽn gantaỽ ef o|r gallei di+
15
al y sarhadeu ar y elynyon a llywyaỽ yn iaỽn y vrenhi+
16
nyaeth yn|y wlat a elwit Micenis. ac ef a|erchis y baỽb dy+
17
wedut y ewyllus. Ac yna Palamides a dangosses y ythryli+
18
oeth ef a|e byrllidoed* a gwyr groec a rodassant yr ymhero+
19
draeth yn llawen y Palamides ac ynteu a|wnaeth diolcheu
20
maỽr vdunt ỽy ac a aruolles yr amherodraeth ac a|wnaeth
21
y gỽassaneth a dylei drosti. Ac Achil yna a|e kablỽys ỽy am
22
symut yr amherodraeth ar amheraỽdyr Ac yn hynny y dar+
23
vu y gygreir. A phalamides a gyuassodes* y llu ac a|e hanno+
24
ges. Ac yn|y erbyn ynteu y deuth deiphebus ac gwyr troea
25
ac ymladassant yn llidyaỽc. A sarpedon licion tywyssaỽc a
26
wnaeth teruysc maỽr ymplith gwyr groec. a llawer a la+
27
daỽd ac sarhaỽd o·honunt Ac yn|y erbyn ef telefelenus
28
a deuth a gỽydy ymlad o|e syuyll yn hir o·honunt telefe+
29
lenus a vrathỽyt yn drỽc yny dygỽydaỽd Ac yna y|deuth
| « p 114v | p 115v » |