BL Additional MS. 19,709 – page 62v
Brut y Brenhinoedd
62v
1
yn rith gỽrlois a|wnaeth megys y|dywedassei. ac vlpin
2
yn rith Jỽrdan. a|myrdin yn rith brithuael. megys nat oed
3
neb o|r hoỻ nifer a|e hadnappei megys y|buassynt gẏnt.
4
ac odyna kymrẏt eu ford a oruc parth a|chastel tinda+
5
gol yn|y ỻe yd oed Eigyr. a|phan oed kyfliv gỽr a|ỻỽyn
6
y|deuthant yno. a gỽedy menegi y|r porthaỽr bot y iarỻ
7
yn dyuot ẏn|ẏ ỻe agori y porth a|oruc. ac y|myvn y|deuth+
8
ant kanys py|beth araỻ a|tebygei neb pan welhynt
9
gvrlois e|hun yn|y furyf yn dyfot. ac yno y|nos honno
10
y trigyỽys y brenhin y·gyt ac eigyr ac elenwi* y|dam ̷ ̷+
11
unet serch gyt ac eigyr a|oruc. kanys y|drych a|r figur
12
a gymerassei a oed yn tvyỻav eigẏr. ac ygyt a hẏnnẏ
13
hefẏt yr ymadrodyon dychymegedic tỽyỻodrus a oed
14
yn|y thvyỻaỽ. kanys ef a dywaỽt yr dyfot yn ỻedrat
15
o|plith y|ỻu y|syỻu y|wed yd oed y kasteỻ a|r neb a garei
16
ynteu yn vỽy no|r hoỻ vyt a oed yn|y casteỻ. ac vrth hẏnẏ
17
y credei hitheu bot yn wir pop peth o|r a dywedei yn+
18
teu ac ny ludyei idav wneuthur dim o|r a vynhei.
19
a|r nos honno y kahat arthur yr hỽn gvedy hẏnnẏ
20
y dangossassant y|anryfed weithredoed y vot yn vol+
21
yanhus arderchavc. ac odyna eissoes gvedy gvybot
22
eisseu y brenhin ym|plith y ỻu; yn aghyghorus my+
23
net pendraffen a|wnaethant. ac ymrodi y geissaỽ distryv
24
y gaer a|r casteỻ. a chymeỻ y iarỻ y rodi kat ar vaes
25
vdunt. ac odyna y iarỻ yn aghyghorussach y deuth.
26
a|e varchogyon ygyt ac ef aỻan gan dybygu oho+
27
naỽ gaỻu o|nifer bychan ymerbynyaỽ a|gỽrthvynebu
| « p 62r | p 63r » |