Shrewsbury MS. 11 – page 63
Pa ddelw y dylai dyn gredu i Dduw
63
1
proffessaỽl neu bechu ẏn erbẏn anẏan a dẏn
2
neu ac anifeil.viiRinwed yr Eglỽys
3
Y r medeginaethu eneit dẏn o|r seith
4
pechaỽt marwaỽl ẏ rodes duỽ se+
5
ith rinỽed ẏr eglỽẏs. Sef ẏỽ enỽeu y rei
6
hẏnnẏ bedẏd bedẏd* escob kẏmun penẏt
7
aghen vrdeu kẏssegredic a phriodas.
8
Sef ẏỽ rinwed bedẏd bot ẏn vadeudic
9
diboen ẏ dẏn ẏ holl pechodeu gỽedẏ bedẏd
10
a heb vedẏd nẏt oes fford na gobeith ẏ dẏn
11
gaffel nef ac o achaỽs hẏnnẏ duỽ o|e vaỽr
12
trugared a rodes medẏant ẏ bob rẏỽ dẏn
13
ẏ vedẏdẏaỽ rac perigẏl agheu. Eil. Rinwed.
14
ẏỽ bedẏd escob a honno a rodir ẏ dẏn yr
15
ẏ gadarnhau ẏn|ẏ ffẏd a|e gristonogaeth
16
ac o rinỽed ẏ bedẏd hỽnnỽ haỽs vẏd ẏ
17
dẏn ẏmgadỽ rac pechodeu Trẏtẏd. Rinwed
18
ẏỽ kymmun Sef ẏỽ hẏnnẏ corff crist
19
dan liỽ bara a gỽin dẏỽolẏaeth megẏs
20
ẏ mae ẏn|ẏ nef a hẏnnẏ oll dan liỽ ba+
« p 62 | digital image | p 64 » |