NLW MS. Peniarth 11 – page 237r

ef a|welir ymi nat ỽyt lawen iaỽn di. A vnbennes heb ynteu iaỽn

yỽ ym hynny. kanys mi a goỻeis y|wreic vwyaf a gereis eirmo+

et. Titheu heb hi a|m enniỻeist inneu. ac ef a|dywedir nat oes

yn|y deyrnas honn vorwyn degach no myui. ac am|dy garu o+

honaf yd amdiffynneis ytt dy eneit. A vnbennes heb·y laỽnslot

duỽ a|dalo ytt. dy garyat ti yssyd uaỽr gennyf|i. eissyoes na|thy+

di na|gỽreic o|r|byt ny dylyei ymdiriet ynof|i. ot ebryuygỽn y

caryat yssyd yn vyng|caỻon yn gorwed. ac rac meint y cỽrteissi

a|oed yndi hi ny charaf|i vyth na gỽreic na morwyn yn ormod.

kanys y duỽ y gorchymynnaf|i gỽbyl o|r ỻeiỻ. ac y gennyt titheu

kennat a|gymeraf megys y gan yr honn y mynnaf vot ar y

hewyỻys o|r|byd reit ytt ỽrthyf. Och duỽ heb hi kanys ueỻy y

coỻaf y marchaỽc goreu o|r|hoỻ laỽnslot heb hi ti a|m tỽyỻeist i

a|drỽc yỽ gennyf dy diangk a|th eneit ynot o|m plegyt i. ac ys

oed gỽeỻ gennyf dydi yn varỽ ygyt a|mi noc araỻ yn vyỽ. Och

duỽ heb hi na daruu torri dy benn|di a|e grogi y·gyt a|r ỻeiỻ ac y+

ueỻy y caffỽn i digaỽn o edrych arnat ti. Laỽnslot ny roi nytỽyd

yr yd oed hi yn|y dywedut o achaỽs y dolur a oed yn|y gaỻon. Yna

laỽnslot a|esgynnaỽd ar y varch ac a|aeth ymeith. ac y|r fforest yr

aeth ef a hitheu a ymchoelaỽd y|r casteỻ. Yr arglỽyd a|gyuodes

pan y gỽeles yn dyd. ac a|dywaỽt ỽrth y varchogyon. awn heb

ef y lad penn laỽnslot. Yna ef a|beris y geissyaỽ ar|hyt kỽbyl o|r

neuad a r ystaueỻoed. eissyoes ny chaat dim ohonaỽ ef. Mi a|de+

bygaf heb yr arglỽyd y|uynet ef y|r ogof. ac ot aeth|ef yno dilis