Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 122r

Pa ddelw y dylai dyn gredu i Dduw

122r

1
eneit y|gymodaỽc. A guedy hynny y|gorff e hun. A|gue+
2
dy y|gorff e|hun. korff y|gymodaỽc. Sef y|dyly dyn pu+
3
chaỽ y eneit a|chorff y|gymodaỽc. caffel kyffelyb da
4
ac a|ry|buchei y gaffel o|e eneit e|hun a|e gorff. Ac
5
yr keissaỽ gann dyn carv duỽ yn voe no dim. A|e gy+
6
modaỽc megys e|hun y gỽnaethpỽyt yr ysgrythur
7
GWedy cretto dyn yn ffydlaỽnn. A charv [ lan.
8
duỽ yn voe no dim. Ac yn|y mod y|dylyho y|garu.
9
haỽd gantaỽ ỽnneuthur gorchymynnev duỽ. Sef
10
yỽ hynny erbynnyaỽ y|degheir dedyf. A|e cadỽ ynn
11
ffydlaỽnn. A chynntaf o|r dedyf degeir yỽ. Na vit ytt
12
geu dỽyeu. yn|y geir hỽnnỽ yd eirch duỽ. na wneler
13
rinyev. nac arsanghev. na chyfuarỽydonn. na sỽy+
14
nev. gỽahardedic gann yr eglỽys catholic y|gỽneuthur.
15
Eil geir dedyf yỽ. na chymer enỽ duỽ yn orỽac.
16
yn|y geir hỽnnỽ y|gỽahard duỽ pob ryỽ annvdon.
17
Ac ouerlỽ. Trydyd. Geir. Dedyf. yỽ. doet y|th gof gysse+
18
grv dyỽ sul. yn|y geir hỽnnỽ yd eirch duỽ y|dyn na
19
wnel ef ỽeith na|e annyveil. na|e was. na|e vorỽynn.
20
na pechaỽt marỽaỽl yn dyd sul. nev dyd gỽyl a|ỽa+
21
hardho yr eglỽys. kanys yn|y dydyeu arbennyc
22
hynny y|dylyir guediaỽ. A golochỽydaỽ. A gỽneuthur
23
gỽeithredoed y drugared. Pedỽeryd. Geir. Dedyf. henryda
24
dy vam. a|that. yn|y geir hỽnnỽ yd eirch duỽ y|dyn
25
ỽneuthur diỽall wassannaeth trỽy vfylltaỽt. Ac