BL Harley MS. 4353 – page 21r
Llyfr Cyfnerth
21r
1
heraỽc uyd ar alanas alltut brenhin. Galan ̷+
2
as alltut tayaỽc; hanheraỽc uyd ar alanas
3
alltut breyr. Ac uelly e byd eu sarhaedeu.
4
E Neb a gnithyo dyn; talet y sarhaet yn
5
gyntaf. kanys drychaf a gossot yỽ sar ̷+
6
haet pop dyn. A cheinhaỽc dros pop blewyn
7
bon·wyn a tynher o|e pen. A chein·haỽc dros
8
pop bys a el yn| y pen. A phedeir ar hugeint
9
dros y| gỽallt taldrỽch. Dewisset paỽb y vre ̷+
10
int; ae ỽrth vreint y penkenedyl. Ae ỽrth
11
vreint y tat. Ae ỽrth vreint y sỽyd. Pvnt
12
a hanher yỽ gỽerth kaeth telediỽ o|r henuyd
13
o|r tu draỽ yr| mor. O|r byd anafus hagen neu
14
ry| hen neu ry| ieuanc nyt amgen no llei noc
15
vgein mlỽyd; punt a| tal. O|r henuyd o|r tu
16
yma y|r mor heuyt; punt a| tal. kanys e| hu ̷+
17
nan a lygrỽys y vreint o vynet yn gyfloc+
18
gỽr o|e vod. O|r tereu dyn ryd dyn kaeth;
19
talet idaỽ deudec keinhaỽc. whech dros teir
20
kyfelin o vrethyn gỽyn tal pentan y wne ̷+
21
uthur peis idaỽ ỽrth lad eithin. Teir dros
22
laỽdỽr. Vn dros kuaraneu a dyrnuoleu.
23
Vn dros ỽdyf neu dros uỽell os koetỽr vyd.
24
Vn dros raff deudec kyfelinyaỽc. O|r tereu
25
dyn kaeth dyn ryd. Jaỽn yỽ trychu y llaỽ
| « p 20v | p 21v » |