BL Cotton Titus MS. D IX – page 15v
Llyfr Blegywryd
15v
1
a|cheinnaỽc a|geiff ynteu o|bop vn. O|r llud
2
y|porthaỽr. neu y|dryssaỽr y|neuad. vn o|r sỽydo+
3
gyon y|vrth y drỽs gann|y adnabot. camlỽrỽ
4
deudyblyc a|tal y|r brenhin. a|phedeir keinn+
5
aỽc kyureith y|r sỽydaỽc. ac os vn o|r sỽyd+
6
ogyon arbennic vyd hỽnnỽ. talet yn|deudy+
7
blyc idaỽ. Y|tir a|geiff yn ryd. a|rann o|ar ̷+
8
yant y|gỽastrodyon. Y|verch a|vyd vn vre ̷+
9
int a|merch y bard teulu. Y|ebediỽ vyd wh ̷ ̷+
10
eugeint. Guastraỽt auỽyn. galannas
11
a sarhaet ysyd idaỽ mal y|dyỽetpỽyt
12
vry. Ef a|dyly peri y|r brenhin y|varch. a|e
13
arueu yn baraỽt pan y|mynno. ac a|deila
14
pan ysgynno. a|phan disgynno. ac a|e dỽc
15
o|e lety. O|r ebolyon anrec rann gỽr a|geif.
16
Y|verch vn vreint vyd a|merch y bard teulv.
17
Y|ebediỽ vyd wheugeint. Naud dryssaỽr neu+
18
ad ystauell yỽ hebrỽg y|dyn hyt at y|por ̷ ̷+
19
thaỽr. Y|sarhaet. a|e alannas. a|vydant
20
megys dryssaur neuad. Y|tir a|geiff yn ryd.
21
a|e varch yn wastat y gan y brenhin. Sỽy+
22
dogyon a|allant yn ryd mynet y|r neuad.
23
ac y|r ystauell. ac y|r gegin. O|bop anreith
24
a|del y|r porth; y|porthaỽr a geiff y|llỽdyn
25
diỽethaf. Ef a|geiff pedeir keinnaỽc o|b ̷+
26
op carcharaur a garcharer trỽy vn nos.
| « p 15r | p 16r » |