BL Cotton Cleopatra MS. A XIV – page 69r
Llyfr Cyfnerth
69r
1
OEn tra dynho keinhaỽc kyfreith a| tal.
2
pan didyfner dỽy geinhaỽc kyfreith
3
a| tal hyt aỽst. O aỽst allan pedeir keinhaỽc
4
kyfreith a| tal. Teth dauat dỽy geinhaỽc
5
kyfreith a| tal. Ceithi* dauat kymeint yỽ
6
ae guerth. Dant dauat ae llygat keinhaỽc
7
kyfreith a| tal pop vn ohonunt. Y neb a| wer ̷+
8
tho deueit bit dan tri heint. clauyri. A| lle ̷+
9
derỽ. A dỽuyr rud. hyny gaffont eu teir
10
guala or guellt newyd y guanhỽyn os gue ̷+
11
dy kalan gayaf y guerth*.
12
Myn tra dynho keinhaỽc cota a| tal. or
13
pan atto dynu hyt aỽst dỽy geinhaỽc
14
cota a| tal. O aỽst allan pedeir keinhaỽc cota
15
a| tal. Teth gauyr dỽy geinhaỽc cota a| tal.
16
Teithi gauyr kymeint yỽ ae werth. Dant
17
gauyr ae llygat keinhaỽc cota a| tal pop
18
vn ohonu. Y neb a brynho yscrybyl y| gan
19
arall. a chlauyru ohonu gantaỽ ef a dyly
20
rodi y lỽ ar y trydyd o wyr vn ureint ac ef
21
nas dodes y myỽn ty y ry|ffei clauyri yndaỽ
« p 68v | p 69v » |