Shrewsbury MS. 11 – page 91
Ystoria Adda
91
1
o Noe hyt Abram o Abram hẏt ar voesen heb tẏfu
2
ẏ uỽch a heb golli ẏ kyfirder A phan doeth
3
Moeses broffỽẏt drỽẏ orchẏmmẏn duỽ ẏ lẏỽ+
4
ẏaỽ pobyl yr israel o|r eift tros vor rud o ge+
5
thiwet pharaỽ gỽedẏ bodi pharaỽ a|ẏ holl
6
lu ẏ doeth Moeses ẏ lẏn ebron ẏ ossot kestẏl
7
ẏ amdiffyn ẏ bobyl tra vydynt ẏn iacha+
8
u ẏd arganuu y teir gwẏalen lle ẏd oydẏ+
9
nt ẏn seuẏll ẏ geneu Adaf ac ẏ tẏnnaỽdd
10
Moeses hỽẏnt drỽẏ ofn ẏr arglỽẏd ac ẏsprẏt
11
proffỽydaỽl ẏ dẏwat ẏn wir ẏ teir gỽyalen hynn
12
ẏ arỽydocant ẏ dr˄indaỽt vendigedic pan dẏnn+
13
aỽd Moeses hỽẏnt o eneu adaf ẏ kẏflenwis ẏr
14
holl lu o arogleu da hẏt pan dẏbẏgessynt y bot
15
ẏn|ẏ tir adawedic a llawen vu voesen o|r cael
16
hỽnnỽ ac ẏ troes hỽẏnt my˄ỽn lliein glan ac ẏ
17
duc ẏ·gẏt ac ef ẏn greire tra vu ẏn|ẏ diffeith
18
nyt amgen deugein mlyned pan gaffei vn o|r
19
llu vrath gan nadred neu brẏuet gwenỽnic e+
20
reill ẏ deuẏnt at ẏ proffỽyt ẏ gusanu ẏ gwẏal
| « p 90 | digital image | p 92 » |