NLW MS. Peniarth 18 – page 58r
Brut y Tywysogion
58r
1
A chann mỽyhaf ieirll a|barỽnyeit lloegyr ygyt.
2
Y|ulỽydyn racỽynep y bu varỽ madaỽc ap grufud mael+
3
aỽr. Ac y|claddỽyt yn anrydedus ymanachloc lynn
4
egỽestyl yr honn a|rỽndỽalassei ef kynn o|hynny.
5
Y|ulỽydyn honno y|bu varỽ yỽein ap maredud ap
6
ropert o gedeỽein. Ac yna y|bu varỽ escop llundein
7
ac escop caer yraghon. Ac escop lincol. Ac vn nos
8
kynn nos nadolyc y kyuodes diaerebus ỽynt y|torri
9
aneiryf o|tei ac eglỽysseu. Ac yssigaỽ coedyd. A|lla+
10
ỽer o|dynyon ac anyueileit. Y ulỽydyn honno y|gell+
11
ygaỽd y|naỽuet gregorij bap cadỽgaỽn escob bann+
12
gor o|e escobaỽt. Ac y kym·erỽyt yn anrydedus yn|y
13
creuyd gỽynn ymanachloc dor. Ac yno y|bu varỽ
14
ac y|cladỽyt. Ac yna y cauas gilbert iarll pennbrys
15
drỽy dỽyll castell morgan ap hyỽel ymeichein. A
16
gỽedy y gadarnhav yd|atueraỽd dracheuen rac ofyn
17
llywelyn ap ioruerth. Y|ulỽydyn racỽynep y|bu varỽ damsiỽan
18
verch ieuan vrenhin gỽreic llywelyn ap ioruerth. Vis hỽefraỽr
19
yn llys aber ac y cladỽyt myỽn mynỽent neỽyd
20
ar|lann y|traeth a|gyssegrassei hoỽel escob llann elyỽ
21
Ac o|e hanryded hi yd adeilaỽd llywelyn ap ioruerth yno vana+
22
chloc troetnoeth a|elỽir llann vaes ymon. Ac yna
23
y|bu varỽ ieuan iarll caer lleon. A chynỽric ap yr
24
arglỽyd rys. Y ulỽydyn honno y|doeth ataỽ gar+
25
dinal o|rufein y loeger y|legat y|gan y|naỽuet
26
grigor bap. Y|ulỽydyn racỽyneb trannoeth ỽedy
| « p 57v | p 58v » |