NLW MS. Peniarth 11 – page 247v
Ystoriau Saint Greal
247v
1
gỽr yny aỻer profi tỽyỻ arnaỽ y|m kyueir. Ac o gỽelaf|i
2
vot laỽnslot ar y cam mi a|e gỽediaf ar y|dyuot y|r iaỽn. ac o+
3
ny mynn ef emendau o|r byd ar y cam yna ni a adỽn y|r gy+
4
vreith gerdet. a|phryt na mynno nac efo nac araỻ garu
5
y|wirioned. ny dyly na minneu nac araỻ y garu ynteu. A
6
phan|glywo laỽnslot y chwedleu hynn mi a|atwaen ar y gym+
7
henndaỽt ef y gỽna kyfyaỽnder ym|pob ỻe ar y dylyo y wne+
8
uthur. Je heb y marchaỽc tydi a|glywy a dywetaf|i. os kyn+
9
hely di efo o hynn aỻan ef a vyd gelyn ytt. ac am a|wnaeth+
10
ost nyt bodlaỽn ytt. ac ar hynny y marchaỽc a|aeth ym+
11
eith. ac arthur a|beris galỽ briant attaỽ a ỻawer o|r march+
12
ogyon ereiỻ. ac a|ovynnaỽd kynghor udunt. Yna owein a
13
dywaỽt. arglỽyd heb ef. dilis yỽ. laỽnslot a|ladaỽd elinans
14
a hynny yn|dy|wassanaeth di. megys yr|hỽnn a|oed yn ry+
15
uelu arnat heb y haedu arnaỽ. ac o|r bei efo elyn y laỽnslot.
16
paham na deuei ynteu y geissyaỽ kyvyaỽnder y|th lys di
17
ac ef a|e kaỽssoedyat ual y kafas paỽp. a|pheth bynnac a
18
haedassei laỽnslot ar elinans. ny haedassut ti ar elinans
19
dim drỽc. yr hỽnn a|ladaỽd laỽnslot ef yn|dy reit ti. ac am
20
hynny kam debygỽn i oed y vrenhin claỽdas ryuelu ar+
21
nat ti dim. Owein heb·y briant dilis yỽ panyỽ laỽnslot
22
a|ladaỽd arglỽyd y ty atueilyedic. ac elinans y vab yr hỽnn
23
a|doeth y|m nerthau i. pan oed drỽc y·rof ac arthur. a|phan
24
wybu laỽnslot lad ohonaỽ y dat ef. ef a|dylyassei peidiaỽ a
| « p 247r | p 248r » |