LlGC Llsgr. 3035 (Mostyn 116) page 20v

gadarn a|wnaeth pantiselea yn|y vrỽẏdẏr athrỽẏdẏr*

a|thrỽy dalam o|diwarnodeu y·gyt yr ymladasant

ỽy yn ỽychyr ac y|ỻadassant ỻawer o|pop parth a

phentissilea a vrathỽys pyrr ac ynteu yn achu+

bedic o dolur a ladaỽd pentisilea y Jarỻes y|wlat

a elwit amazonia a gỽedy daruot hynny pirr a

ymgymheỻỽys hoỻ lu troea y|r gaer ac o vreid

gỽedy yr ymgynuỻ ohonunt y kaỽssant ỽy fo ac

yna gỽyr goroec a|e ỻu a|damgylchynassant y|gaer

hyt na|chaei wyr troea na|mynet y|myỽn na dy+

uot y|maes odyno drỽy vn geluydyt ac yna

antenor a|pholidamas ac eneas a deuthant at

priaf y erchi idaỽ keissaỽ ymrydhau odyno ac ym+

gyghori am yr hẏnẏ a|delei rac ỻaỽ a|priaf a elwis

y|gyghorwyr attaỽ ac a erchis vdunt ỽynteu dẏ+

wedut yr hẏn a o·dologyssynt ac a yttoedynt yn|y

damunaỽ ac yna antenor a|duc ar gof yr ỻad ỻa+

wer o|wyr goroec. a|thywyssogyon ac amdiffynwyr

troea. nyt amgen noc ector ac a·lexander a|throilus

ac yr drigyaỽ ohonunt ỽynteu ỻawer o|wẏr ka+

darn nyt amgen no menelaus. a·gamemnon a

phirr vab achil gỽr nyt ỻei y gedernit no|e dat

a|diomedes. ac aiax a locrius a ỻawer o|wyr ereiỻ

ac yn benaf herwyd doethineb nestor ac iỻuxes

ac yn eu herbyn bot gỽyr troea yn warchaedic

ac yn vriỽ·edic ac anoc a|wnaeth eturyt elen vdunt

a|dugassei a·lexander a|e getymdeithon o roec a

gỽneuthur tagnefed yrydunt a gỽedy treulaỽ

a|thraethu ỻawer o|eireu ac o gyghoreu am|dag+

neued o·honunt hỽy kychwynu a|wnaeth amphi+

NLW MS. 3035 (Mostyn 116) – page 20v