NLW MS. Llanstephan 4 – page 34v
Buchedd Beuno
34v
mynnei. yr ysgruthyr lan y wneuthur
a gỽplaei. Ac ual yd oed hoedyl beuno
yn|daruot a|e|dyd yn dyuot y seithuet
dyd gỽedy y pasc. ef a|welei y|nef yn ago ̷+
ret ac egylyon yn|gostỽng ac yn|drychaf+
el y vyny drachefyn. Ac yna y dywaỽt
beuno. Mi a|welaf heb ef y drindaỽt y
tat a|r mab a|r yspryt glan. a phedyr a
phaỽl a|dauyd wirion a|deinyoel a|r
seint a|r|proffỽydi. a|r ebystyl a|r merthy+
ri yn ymdangos ym. a mi a|welaf ym+
plith hynny seith angel yn sefyỻ geyr
bronn ˄cadeir y goruchel dat a hoỻ dadeu nef
a|r ganyadaeth yn dywedut. Gỽynuy+
dedic yỽ yr hỽnn a|etholeist di ac a|gym+
mereist ac a bressỽyla ygyt yn|dragyỽ+
ydaỽl. Mi a glyỽaf heb ef lef corn y
goruchel dat y|m gỽahaỽd i ac yn|dyw+
edut ỽrthyf. vy mab i bỽrỽ di oreilyt dy
gnaỽt y|ỽrthyt. ỻyma yr amser yn|dy+
uot. ac yr ydys y|th wahaỽd y gymryt
y wled ny deruyd vyth ygyt a|th vrodyr.
Trigyet ynteu dy corf di yn|y daear.
Dy eneit titheu bydinoed nef a|r|egyl+
yon a|e harwed y deyrnas nef. yr hynn
a heydeist di yma drỽy dy weithredoed
| « p 34r | p 35r » |