NLW MS. Peniarth 36A – page 10v
Llyfr Blegywryd
10v
onyt o vod. A rodaỽdyr gỽreic a tygho yn| y
mod y rother. Y neb a alwo tyston ac
ny allo eu dỽyn rac ỽyneb. dygỽydet y
dadyl. Oet tyston gorwlat neu warant
gorwlat; pytheỽnos. Oet tyston neu wa+
rant tra mor; vn dyd a blỽydyn. Pỽy byn+
hac a dechreuho dadyl ar gylus kydrych+
aỽl paraỽt y atteb. a gỽedy hynny tewi
ỽrthaỽ vn dyd a| blỽydyn am yr vn dadyl
honno; ny dylyir y warandaỽ rac llaỽ.
ony phallỽys kyfreith idaỽ o vyỽn y vlỽy+
TAlaỽdyr ar ny thalo cỽbyl [ dyn.
oe dylyet ef a dyly y talu. Or byd rỽg
talaỽdyr. ar dylyaỽdyr dyd gossodedic y talu y dylyet. ef
a dyly arhos y dyd. Pỽy| bynhac a ofynho
dylyet trỽ* gỽyn kyn yr oet. kyhyt a hyn ̷+
ny y dyly bot hebdaỽ gỽedy yr oet.
Pỽy bynhac a gymero gauael dros dyly ̷+
et heb ganhat arglỽydiaeth kamlyryus
vyd O teir fford y byd ryd mach am dy ̷+
lyet kyfadef vn yỽ o rodi oet heb y gan ̷+
hat dros yr oet kyntaf. Eil yỽ o talu y
dylyet. Trydyd yỽ o dỽyn gauael am y
| « p 10r | p 11r » |