LlGC Llsgr. 3035 (Mostyn 116) page 71r

ac ef achaỽs ac ystyr y|neges a|e dyuotedigaeth. Ac

yna y dywaỽt kuelyn ỽrthaỽ Arglỽyd heb ef digaỽn

yd damỻewychedic. itti. a|thi a aỻut kyffroi ar dagreu

ac ỽylaỽ o glybot y trueni yd ym|ni y brytanyeit yn|y

diodef er pan anreithỽys Maxen ynys brydein o|e hym+

ladwẏr Ac y gossodes yn|y wlat hon yr hon yd ỽyt tith+

eu yn|y ỻywyaỽ ac yn|y medu. a gỽyn y vyt a welei pei

gỽledychut titheu hi byth drỽy hedỽch. A gỽedy y

hyspeilaỽ ueỻy o|e marchogyon; y kyfodassant yn an

herbyn ninheu y gỽediỻon truein a edewit yno yr

ynyssed oc an kylch. a|r ynys oed frỽythlaỽn o eur

ac aryant a goludoed ereiỻ. y hanreithaỽ yn gyn|lỽy+

ret ac nat edewit dim yndi o|r y gaỻo neb ymossym+

deithaỽ yndi eithyr y|neb a aỻo ymborth drỽy hely

kanyt oed kedernẏt ymladwẏr a aỻo ymborth drỽy

hely. kanẏt oed kedernit ymladwẏr a aỻei ỽrthỽynebu

vdunt Ac y·gyt a|hẏnnẏ neur deryỽ y|wyr rufein bli+

naỽ weithon mal. na chaffỽn y ganthunt ỽy neb am+

diffyn Ac ỽrth hẏnny yd ym nineu yn gỽediaỽ dy dru+

gared titheu. hyt pan rodych ti nerth a|chanhorthỽy

ac amdiffyn ohonot ty hun y|teyrnas yd ỽyt dylye+

daỽc arnei. kany dyly neb y goronhau yn weỻ no ti

o goron gustenin a maxen wledic. kanẏs y gỽyr hẏnẏ

yssyd gereint itti. Ac ỽrth hynẏ paraỽta* ỻyges a dabre ̷

y gymryt teyrnas ynys prydein. A|minheu a|e rodaf

hi rỽg dy dỽylaỽ ti. Ac ar hẏnnẏ yd attebaỽd aldỽr

yr archescob. A ỽrda heb ef. ef a uu amser na ỽrthodỽn

teyrnas ynys prydein o|bei a|e rodei im. kanys mi a at+

tebaf nat oes teyrnas frỽythlonach na gỽeỻ no hi

tra geffit yn|hedỽch Ac ar* aỽr hon kas yỽ genyf|i hi

NLW MS. 3035 (Mostyn 116) – page 71r