NLW MS. Llanstephan 27 (The Red Book of Talgarth) – page 5v
Ystoria Lucidar
5v
1
a|wnaeth ef rac balchau o|dyn yr medylyaỽ o·honaỽ pan y bratho
2
vn o|r rei hynny ef na|dichaỽn ef ỽrthwynebu y|r pryf ỻeiaf. kyt
3
darestyngo duỽ bop peth idaỽ ef. kanys nyt yr eirth a|r ỻewot a
4
distriwassant phamo vrenhin gynt. namyn ỻeu a|chwein. a
5
phunes. y bywyon hagen a|r adyrcop. a|r|pryfet ereiỻ a ymrod+
6
ant y weith a|ỻauur a|wnaeth duỽ yr kymryt ohonam ninneu
7
angkreifft y ganthunt ỽy y ystutyaỽ ac y lafuryaỽ a|r|da. discipulus
8
Pa|le y crewyt dyn. Magister Yn ebron yn|y ỻe y bu uarỽ ac y cladwyt
9
gỽedy hynny. ac odyna y|gossodet ef ym|paradwys. discipulus Pa ryỽ
10
beth yỽ paradwys neu pa|le y mae. Magister Y ỻe teckaf yỽ yn|y dỽyre+
11
in. yn|yr hỽnn y gossodet amry·uaelyon genedloed o|r gwyd.
12
yn erbyn amryuaelyon diffygyeu. megys pei bỽytaei dyn
13
o ffrỽyth ryỽ brenn yn|y amser. ny bydei newyn arnaỽ o hyn+
14
ny aỻan vyth. ac o araỻ o|r bỽytaei ny bydei sychet arnaỽ. O
15
araỻ ny blinei vyth. O araỻ ny henhaei vyth. ac yn|y diwed
16
yr hỽnn a vỽytaei o brenn y vuched ny chlefychei vyth ac ny
17
bydei varỽ vyth. discipulus Pa le y crewyt gỽreic. Magister Ym|paradwys
18
o ystlys gỽr ac ef yn kysgu. discipulus Paham o|r gỽr. Magister Megys y
19
bydynt vn gnaỽt ac vn vedỽl drỽy garyat. discipulus Pa ryỽ gysgu
20
oed hỽnnỽ. Magister ỻewyc ysprydaỽl. kanys duỽ a|e|duc o baradwys
21
nefaỽl y|r ỻe y dangosset idaỽ y genit crist a|r eglỽys ohonaỽ.
22
ac yn|y ỻe pan deffroes ef. y proffỽydaỽd ef o·honunt ỽy. discipulus
23
Paham na|chreaỽd duỽ yr hoỻ etholedigyon y·gyt. megys y
24
creaỽd yr engylyon oỻ ygyt. Magister Duỽ a|vynnaỽd bot dyn yn
25
gyffelyb idaỽ e|hun. a hynny yr geni yr hoỻ dynyon y gan adaf
26
megys y ganet pob peth y gan duỽ. discipulus Paham y creaỽd duỽ ỽ+
27
ynteu megys y geỻynt bechu. Magister yr bot yn vỽy eu gobrỽyeu.
28
kanys duỽ a|roes rydit udunt y ethol y|da. a|thal maỽr o ỽrthot
| « p 5r | p 6r » |