NLW MS. Llanstephan 27 (The Red Book of Talgarth) – page 176v
Gwyrtheu Mair
176v
1
chyartyr yn|ỻaỽ yr esgob. ac ymbil a|orugant y|r ysgolhei+
2
gyon a|r ỻeygyon a|r|gỽraged a|r meibyon ar erchi darỻe+
3
in y chyartyr yng|gỽyd paỽp onadunt. A phan daruu hyn+
4
ny paỽp o·nadunt gan dagreuoed yn gyflaỽn o lewenyd
5
a darchafaỽd* eu dỽylaỽ parth a|r nef y erchi trugared duỽ
6
a|r wynuydedic ueir y uam ynteu. Ac o|r|diwed o vreid yny
7
vei teruynedic y molyant detwyd. Teophilus a gyuodes y
8
ar y daear. ac y·dan deulin yr esgob y dygỽydaỽd y adolỽyn
9
idaỽ ỻosgi y chyartyr. a chymryt o teophilus corf yr arglỽyd.
10
Ac yna y dechreuaỽd y wyneb ef echtywynnu megys heul.
11
a|phan weles paỽb hynny o|deissyfyt santeidrỽyd y gỽr. mo+
12
li duỽ uỽyvỽy a|orugant ỽynteu. yr hỽnn a|wna e|hunan
13
y petheu maỽr enryued. a|r gỽyrtheu maỽr. Ac ynteu teo+
14
philus a|gyrchaỽd temyl mab duỽ. A gỽedy archwaedu y+
15
chydic o|vỽyt gỽedy hir dyrwest. clefychu a gỽanhau a|oruc
16
ac ym|penn y trydyd dyd rod pax y|ỽ vrodyr. a rannu y hoỻ
17
da y eissiwedigyon yn yr un|ỻe y gỽeles y wynuydedic wele+
18
digaeth honno. ac o|r gyffes honno y rydhau att grist wedy my+
19
net y yspryt ohonaỽ. ac yn|y ỻe hỽnnỽ gan diruaỽr enryded
20
mỽyaf y cladỽyt ef. ar uoleant a gogonyant y|r hoỻ·gy+
21
uoethaỽc duỽ. a|r wynuydedic ueir y uam. amen
22
C ustennin uab constans amheraỽdyr ruuein. ual
23
yd oed uaỽrhydic. ym|peth araỻ eissoes pennaf a|phr+
24
udaf oed ef ynghylch gỽassanaeth enrydedus y duỽ. ac
25
ym|pob peth o|r|a|beris ef y wneuthur o annoc elen y uam
26
ef a|beris adeilat eglỽ* yn enryded y duỽ a Jeuan vedydyỽr.
27
Sef enỽ a|dodes arnei laterans. ac ym|parlỽr yr eglỽys ef
28
a|beris
| « p 176r | p 177r » |