Oxford Jesus College MS. 57 – page 259
Llyfr Blegywryd
259
a|geisser y wneuthur yn gamweresgyn no|r
honn a|ardelwo haỽlỽr megys pei|dam·chweinei
y dyn erbynnyaỽ perchennogaet* ar tir. sef yỽ
hynny trỽy ystyn arglỽyd. a gỽedy hynny dy+
uot nebun yn|apsen hỽnnỽ y orsed ac y erbynyaỽ
ystyn an·aỻu ar yr un tir o laỽ y gorsedaỽc. a
thrỽy hynny eredic y tir yny gỽeresgyn. Y
kyntaf a|digaỽn y vỽrỽ y maes pan y mynno
o|vyỽn vn dyd a|blỽydyn. a chyt kỽyno y ỻaỻ
racdaỽ am y gỽresgyn hỽnnỽ. nyt enniỻ detur ̷+
yt arnaỽ. kanys trech yỽ pob gỽresgyn kymysge+
dic yn|yr iaỽn. no gỽresgyn o·dieithyr iaỽn. a bot
kyfreith yn deaỻu bot ansaỽd yr hynaf yn ỻỽrỽ
perchennogaeth yn|iaỽnaf yny diffoder trỽy
gyfreith a|barn. a|honno yn|argaedigaeth* tragy+
wydaỽl y kynhelir. megys y rei uchot am|dam+
chweinyaỽ y perchenogaeth trỽy dadylwryaeth
wyneb yn wyneb y|r amdiffynbleit trỽy angkyf ̷+
reith yr haỽlbleit. neu gaỻu dodi yn erbyn ha+
ỽlỽr kaeedigaeth oessoed rieni o vyỽn vn orsed
na chantref na chymỽt vo. Pỽy bynnac a|vo
| « p 258 | p 260 » |