Oxford Jesus College MS. 57 – page 169
Llyfr Blegywryd
169
1
traean y werth y|r prynaỽdyr. Y neb a|varchockao
2
march dyn araỻ heb y gannyat. talet y|r per+
3
chen pedeir keinyaỽc ysgyn. a|phedeir disgyn.
4
a|phedeir dros pob rantir a|uarchockao drosti
5
a|chamlỽrỽ y|r brenhin. Pỽy bynnac a differo
6
march rac ỻeidyr. pedeir keinyaỽc a|dyly y
7
gan y perchen ynghyueir pob buch o|r|a|dalo
8
y march pei gỽerthit. Y neb a|venffyckyo ~
9
march y araỻ hyt yn ỻe teruynedic. ot a hỽn+
10
nỽ a|vo peỻach ac ef. talet y|r perchen hanner
11
yr enniỻ a|gaffo o vyỽn hynny. Y neb a|gymero
12
benffic march. a llygru y geuyn yny dygỽydo
13
y vleỽ yn hagyr. pedeir keinyaỽc. kyfreith. a|dal y|r per+
14
chen. O|r hỽyda hagen o|adlo henỻỽgyr. a|thorri y
15
croen ar y|geuyn|hyt y kic. wyth geinyaỽc. kyfreith. a|dal.
16
Ony byd henỻỽgyr arnaỽ ynteu. a thorri croen
17
a|chic hyt asgỽrn. un ar|bymthec kyfreith a|dal.
18
O en tra dynho. keinyaỽc. kyfreith. a|dal. Pan wa+
19
haner. dỽy geinyaỽc. kyfreith. a|dal. aỽst pedeir
20
keinyaỽc. kyfreith. Teithi dauat. kymeint a|e gỽerth yỽ.
| « p 168 | p 170 » |