Cardiff MS. 3.242 (Hafod 16) – page 72
Y Pedwar Gwlybwr
72
1
a|ỻidyaỽc a flỽch a gleỽ a|chaỻ. a mein a sych a gỽineugoch
2
bychan vyd y deissyf. a maỽr vyd y aỻu. Y neb y bo y|rann
3
vỽyaf o|r|fleuma yndaỽ; hỽnnỽ a vyd kyscadur a ỻesc o|edrych
4
yn|y wyneb. a|e synhỽyr yn bỽl. ac wyneb bras a ỻiỽ gỽynn
5
maỽr vyd y deissyf a bychan y aỻu. Pỽy bynnac y bo y
6
rann vỽyaf yndaỽ o|r malencoli; hỽnnỽ a vyd kynghoruyn+
7
nus a thrist. a chebyd a ỻaỽgaeat a thỽyỻỽr. ac ofnaỽc.
8
a|ỻiỽ tomaỽc arnaỽ. bychan vyd y|deissyf. a bychan y
9
aỻu. Y sanguis a|vyd yn|y tu deheu yn|yr awyr. a|r colera
10
yn yr un ỻe. a|r malencoli yn|y tu assỽ dan yr splenn. a|r fleu+
11
ma peth o·honaỽ yn|y penn. a|pheth yn|y chỽyssigen. a pheth
12
araỻ yn|y gaỻonn. Y sanguis yssyd wressaỽc a gỽlyb a
13
melys. a|r colera; gỽressaỽc yỽ a sych a|chỽerỽ. Malenco+
14
li; du vyd ac oer a sych a|sur. Y fleuma; oer vyd a gỽ+
15
lyb a|divlas. Sanguis a|dyf y gỽanhỽyn o hanner chỽ+
16
efraỽr hyt hanner|mei. a|r colera o bytheỽnos gỽedy a+
17
ỽst yny del y malencoli. a|r malencoli o hynny hyt byth+
18
ewnos o|r gaeaf. A|r fleuma o|r amser hỽnnỽ hyt hanner
19
chỽefraỽr. Y sanguis a vyd pennaf o|r naỽuet aỽr o|r nos hyt
20
y dryded aỽr o|r|dyd. Y colera o|r dryded aỽr o|r dyd hyt y
21
naỽuet o|r nos. Y malencoli o|r naỽuet aỽr o|r dyd; hyt y
22
dryded o|r nos. A|r fleuma; o|r|dryded aỽr o|r nos hyt y naỽ+
23
uet o|r|dyd. Y sanguis a|dard y|r froeneu. Y colera y|r
24
clusteu. Y malencoli y|r ỻygeit. a|r fleuma y|r geneu.
25
Y fleuma a|vyd pennaf yn|y meibyon hyt ym|penn pym+
26
theng mlyned. Odyna y colera yny vo deugein|mlỽyd.
27
Odyna y malencoli hyt y|drugein|mlỽyd. O hynny aỻan
| « p 71 | p 73 » |