Cardiff MS. 1.362 (Hafod 1) – page 38r
Brut y Brenhinoedd
38r
a galỽ attaỽ a oruc y henafgỽyr a meuruc vab crada+
ỽc ac erchi kyghor vdunt am hynny. Ac yna y dywa+
ỽt Meuruc. Arglỽyd heb ef nyt oes ym ymlad a gỽyr
racco ac nyt yr hynny y doetham yma. nac yr kyf+
froi y gỽyr racco yn dybryt yn herbyn namyn tagno+
ued yssyd iaỽn y erchi vdunt a lletty hyny ỽypom ve+
dỽl y brenhin ymdanam. a dywedut yn bot a chana*+
dỽri genym y gan ymherodron rufein ar eutaf vren+
hin y brytanyeit. Ac velly trỽ* ymadrodyon claer ke+
issaỽ tagnouedu ac ỽynt. A gỽedy bot yn ranc bod
gan baỽb y kyghor hỽnnỽ. Kymryt a|wnaeth meu+
ruc deudegỽyr o wyr llỽydon a cheinc o eliwyd yn|y
llaỽ deheu y pop vn onadunt a|dyuot hyt rac bron
kynan. A phan welas y brytanyeit y gỽyr aduỽyn
hynny yn arwein oliwyd yn|y deheuoed yn arỽyd
tagnoued. Sef a|wnaethant kyuodi hyny herbyn yn
arededus*. Ac mal y doethant rac bron kynan y aner+
ch a|wnaethant o pleit y herodron* rufein a|e sened
A menegi idaỽ ry|anuon Maxen a chanadỽri* gantaỽ
y gan ymherodron rufein ar eutaf. Ac yna y gouyn+
nỽys kynan py achaỽs yr dathoed llu kymeint a
hỽnnỽ gantaỽ ynteu. A dywedut nat oed tebic y
kerdedyat y kenhadeu namyn y elynyon a vynynt
anreithaỽ gỽladoed. Ac yna y dywaỽt y kenhadeu nat
oed teilỽg kerdet gỽr kyuurd a hỽnnỽ heb luosso+
grỽyd y gyt ac ef. Kans velly y mae teilỽg ker+
det y gyt a phop vn o ymherodron rufein rac
kaffel kewilyd gan eu gelynyon. kerdet llu y eu
kadỽ y fford y kerdont tagnoued a geissant. tag+
| « p 37v | p 38v » |