BL Cotton Cleopatra MS. B V part ii – page 184v
Llyfr Cyfnerth
184v
1
yny|diwatter rac kolli kerennyd keinyauc bal+
2
adyr a|telir. Ny|thal nep o|genedyl y|gylyd sar+
3
haed gyd a|dyn tra vo da ar y|helw ef. O|diffic
4
hagen y|da ef yawn yw rannỽ gwerth y|sarha+
5
ed ar y|teir ach nessaf idaw.
6
Naw affeith galanas. A naw affeith
7
edrad. A naw affeith tan. kyntaf
8
w naw affeith galanas. ỽn oho+
9
unt tafuawdrudyaeth dangos
10
y nep a|lader. Eil yw kydsynnyaw. Trydyd yw
11
rodi kynghor. Pedweryd yw disgwyl. Pymh+
12
ed yw canhymdeith. Chweched yw kyrchỽ y|tref
13
am benn y|dyn a|ledhid Seithỽed yw y|ar+
14
dwyaw. Wythỽed yw bod yn borthordwy daly y
15
dyn tra lather. Nawued yw gweled y|lad gan y
16
odef Dros bop ỽn o|r tri kyntaf y|telir nawỽ+
17
gein. a|llw canhwr y|diwad gwaet. Dros bop ỽn
18
o|r rei ereill y|telir deỽ naw vgein a|llw can+
19
nwr y|diwad gwaed. Dros bop vn o|r tri diwa+
20
ethaf y|telir tri naw vgein a|llw cannwr
| « p 184r | p 185r » |