Oxford Rawlinson MS. B 467 – page 83v
Meddyginiaethau
83v
1
glaỽr ar wẏneb ẏ|crochan a thỽll ẏn|i ganaỽl a
2
gỽna bibell a|dot ẏ neill benn i|r bibell ar dỽll ẏ|cla+
3
ỽr. a|r|llall ar ẏ clusteu val ẏ|ddel ẏ|mỽc ar hẏt
4
ẏ|bibell ẏn|ẏ clust a|chadỽ i|benn ẏn wressoc val
5
i|chwẏsso. ac oni bẏd gỽell no chẏnt arỽẏd ẏỽ bot
6
ẏ|prẏf ẏndaỽ neỽ bostẏm. ac igẏt a|r arỽẏddẏon
7
hẏnnẏ gỽẏbẏd di lle bo ef hỽẏddo a|ỽna a gỽaẏỽ
8
a|vẏd ẏndaỽ. ac ẏna ẏ|dodir wrthaỽ ac* gỽneir
9
val wrth bostẏm. ac oni bẏddant ẏr arỽẏddẏon
10
hẏnn arnaỽ gỽẏbẏd vot ẏ prẏf ẏn magu ẏn+
11
daỽ. I|lad ẏ|prẏf ac ẏ|w dẏnnu allan dot sud ẏ
12
mintan ẏn|ẏ clust a|chẏmẏsk a gỽin gỽẏnn.
13
I wellau clẏbot dẏn. Kẏmer drỽnk baed a mel glan
14
a|chẏmẏsk ẏn|dda igẏt a|gat i|ddefni ẏn|ẏ clust
15
wedẏ i glaerhau meỽn tỽẏmder llefrith pan
16
odroer. arall Kẏmer ẏ|llẏsseỽẏn a|elỽir troet
| « p 83r | p 84r » |