NLW MS. Peniarth 6 part iv – page 28
Geraint
28
1
gan estronaỽl giỽdaỽdoed a|gertho diffeithỽch mal y|rei hyn.
2
yrof|i a duỽ heb ef nyt amgeled genhyf y teu a|thaỽ bellach.
3
Mi a|wnaf arglỽyd hyt y gallỽyf. A cherdet a oruc y vorỽ ̷+
4
yn rocdi a|r march rac y bron a|chadỽ y|ragor a oruc. A|r pr+
5
ysc a dywespỽyt uchot gynneu rỽyd·tir arucheldec gỽast+
6
atlỽys erdrym a|gerdassant. Ac ym pell y ỽrthunt ỽynt
7
a welynt goet. Ac eithyr gỽelent yr emyl nessaf atad+
8
unt; ny welynt gỽedy hynny nac emyl nac eithaf y|r
9
coet. Ac ỽynt a doethant parth a|r coet. Ac yn dyuot o|r co ̷+
10
et ỽynt a welynt pump marchaỽc awyddrut kadarn ̷+
11
ffer y·ar katueirch kadarnteỽ escyrnbraff maeswehyn
12
ffroenuolldrut a dogynder o arueu am y gỽyr ac am y me+
13
irch. A gỽedy eu dyuot yn gyfagos y·gyt. Sef ymdidan
14
a|glywei Enyd gan y|marchogyon. weldy yma douot
15
da inni yn|rat ac yn dilafur heb ỽynt. hyn oll o veirch
16
ac arueu a gaffỽn a|r wreic heuyt yr yr vn marchaỽc
17
llibin grỽm goathrist racco. Goualu a oruc enyd yn va ̷+
18
ỽr am glybot ymadrodyon y gỽyr hyt na wydyat o|r byt
19
py wnaei. Ac yn|y diwed y kauas yn|y chyghor rybudyaỽ
20
Gereint. A throi a oruc pen y march attaỽ. Arglỽyd heb hi
21
pei clyỽhut ti ymdidan y marchogyon racco mal y kic+
22
gleu i. mỽy uydei dy oual noc y|mae. Glas chwerthin di ̷+
23
gyus engiryaỽlcherỽ* a|oruc. Gereint. a dywedut. Mi a|th gly ̷+
24
waf ti heb ef yn torri pop peth o|r a wahardỽyf|i itti. Ac
25
ef a allei vot yn ediuar genhyt hynny etwa. Ac yn|y lle
26
nachaf y gỽyr yn kyfaruot ac ỽynt. Ac yn uudugaỽl
27
orawenus goruot a oruc Gereint ar y pump marchaỽc hyn.
28
A|r pump arueu a rodes yn|y pump kyfrỽy. A ffrỽyn+
| « p 27 | p 29 » |