NLW MS. Peniarth 32 (Y Llyfr Teg) – page 39
Llyfr Iorwerth
39
1
deu hanner dyeithyr yr yt. Ny dyly gỽreic
2
yn|y byt kaffel rann o|r yt onyt gỽreic pỽys.
3
ac os o vyỽ a marỽ yd ysgarant. Rannet y
4
claf a|r periglaỽr ygyt ac ef. a|dewisset y iach.
5
Ny dyly claf kymynnu dim namyn y daeret
6
y|r eglỽys. ac ebediỽ yr arglỽyd a|e|dylyedogyon.
7
a|chyt as|kymynho. y mab a|eiỻ y dorri. a hỽn+
8
nỽ a|elwir y mab anwar.
9
P ỽy|bynnac a|dorho kymyn kyfreithaỽl.
10
nyt amgen y daeret a|e dylyedyon. Ysgym+
11
mun vyd megys puplican neu bagan. Os
12
o vywyt y gỽahanant; trigyet hi a|r eidi yn|y
13
thy hyt ym·pen y naỽ|nos a naỽ niheu. y wy+
14
bot ae kyfreithaỽl eu gỽahan. ac os iaỽn eu
15
gỽahan; aet hi a|e da o|r|ty ym·penn y naỽuet
16
dyd. Y da o|r blaen. ac yn ol y geinhaỽc diweth+
17
af aet hitheu e|hun. Sarhaet gỽreic wryaỽc
18
ỽrth vreint y|da. nyt amgen traean sarhaet
19
y gỽr. Kyn·no|e rodi y wr; ỽrth vreint sarhaet
20
y braỽt. nyt amgen hanner sarhaet. Y gala+
21
nas na gỽedỽ na gỽryaỽc vo; hanner gala ̷+
22
nas y braỽt. O|r myn y gỽr wreic araỻ gỽe+
23
dy yd ysgarho a|r wreic kyntaf. ryd vyd y
24
gyntaf. O deruyd y wr yscar a|e wreic. a myn+
25
nu o honno wr araỻ. a bot yn ediuar gan
26
y gỽr kyntaf yscar a|e|wreic; a|e godiwes o·honaỽ
| « p 38 | p 40 » |