NLW MS. Peniarth 31 – page 2r
Llyfr Blegywryd
2r
1
Medyc. Gwastraỽt afỽyn brenhines.
2
DLyet y sỽydocyon hyn yỽ kaffel brethyn+
3
wisc y gan y brenhin. A llieinwisc y gan y
4
vrenhines teir gweith yn|y ulỽydyn. Y nadolyc.
5
Ar pasc. ar sulgwyn. Brenhines a|dyly caffel tra+
6
yan y gan y brenhin o|r ennil a del idaỽ o|e tir. Ac
7
val hynny y dyly sỽydocyon y urenhines trayan
8
y gan sỽydocyon y brenhin. Kylch a dyly brenhin+
9
es a|e morynyon ar meibon ar vilaeneit y bren+
10
hin pan el y brenhin y mays o|e tir e|hunan.
11
Gwerth brenhin yỽ tal y sarhaet teir gweith
12
gan tri dyrchauael. Teir sarhaet brenhin ynt;
13
Vn yỽ torri y naỽd. llad dyn ar naỽd y brenhin.
14
Eil yỽ pan del deu vrenhin ar eu kyffinith y
15
vynnu ym·aruoll o|r lledir dyn yn eu gỽyd. sar+
16
haet brenhin yỽ. Trydyd yỽ; cam·aruer o|e wre+
17
ic. Tri ryỽ sarhaet yssyd y pop gỽr gỽreicaỽc;
18
vn yỽ y taraỽ ar y gorff. Eil yỽ bot arall yn
19
cam·arueru o|e wreic. Trydyd yỽ torri y naỽd dyn
20
a allo rodi naỽd y arall trỽy gyfreith. Ual hyn
21
y telir sarhaet brenhin. Can mu ygkyueir
22
pop cantref o|e arglỽydiaeth. A guialen arya+
23
nt kyhyt ac o|r llaỽr hyt yg eneu y brenhin
24
pan eistedo yn|y gadeir. A chyfrasset a|e hiruys.
| « p 1v | p 2v » |