NLW MS. Peniarth 18 – page 40r
Brut y Tywysogion
40r
1
hayach pob ryỽ brenn. Yn|y ulỽydyn honno. Ar
2
vlỽydynn kynn o hi y|collet lliaỽs o|dynyon. Ac
3
anyueileit. Ac nyt hep achos. canys y|ulỽydyn
4
honno y|ganet map yr arglỽyd rys o verch uare+
5
dud ap grufud y|nith uerch y vraỽt. Yg|kyfrỽg hynny
6
pann yttoed henri urenhin hynaf y|tu traỽ yr
7
mor y deuth y|uap henri ieuaf urenhin neỽyd
8
attaỽ y ofyn idaỽ beth a|dylyei y|wneuthur. kanys
9
kyt bei vrenhin ef llaỽer oed idaỽ o uarchogyon
10
ac nyt oed gantaỽ fford y|talu kyfarỽsseu a rody+
11
on yr marchogyon ony|s kymerei yn nechỽyn
12
y|gann y|tat. Ar amser hỽnnỽ oed araỽys. a|e
13
tat a|dyỽat ỽrthaỽ y|rodei idaỽ vgein punt
14
ei* y|ỽlat honno beunyd yn dreul. Ac na|chaffei
15
mỽy. Ac yntev a|dyỽat na|chlyỽssei ef eiroet
16
vot brenhin yn|ỽr pae nac dan ỽaes. Ac na|bydei
17
ynteu. A gỽedy kymryt o|r|mab gyghor. ef aeth
18
y|dinas tỽrs. y|geissaỽ aryant echỽyn y|gann vỽr+
19
deisseit y|dinas. A|phann gigleu y|brenhin hynny
20
anuon kenadeu a|oruc y|brenhin at y|bỽrdeisseit
21
y|ỽahard vdunt dan boen eu holl da nat echỽy+
22
nynt dim o|e uap ef. a|hep ohir anuon a|oruc y
23
ỽyrda y|ỽarchadỽ y|uab rac y|vynet odyna ynn
24
dirybud y vn lle. A gỽedy adnabot o|r map hynny
25
peri a|oruc medỽi nosỽeith y|gỽercheitỽeit a|oed
26
arnaỽ o lys y|brenhin. A gỽedy eu hadaỽ yn ved+
| « p 39v | p 40v » |